Şêniyên Kobanê cenazeyê şehdî Xelîl Bekî oxir kir

Bi sedan şêniyên kantona Kobanê cenazeyê şehîd Xelîl Bekî li goristana Şehîd Dîcle oxir kir.

NÛÇE

24 ÇILE, 2022 12:48

KOBANÊ

Endamên saziyên sivîl û leşkerî, şêniyên kantona Kobanê û siyasetmedar tev li merasîmê bûn.

Şehîd Xelîl Bekî (Xelo Reş) endamekî Meclisa Leşkerî ya Minbicê ye û di qezeyekê de li Minbicê di 21`ê Çileyê de şehîd bûbû.

Di merasîmê de hevseroka Meclisa Tevgera Civaka Demokratîk (TEV-DEM) a herêma Firatê Hedle Hesen axivî û got: Şehîd Xelîl Bekî soza xwe anî cih û di oxira parastina ewlehiya herêmê de şehîd bû.

Hedle wiha domand: “Êrişa li ser girtîgeha Xiwêran a Hesekê, hewldaneke dewletaTirk a dagirker e ku terora DAIŞ`ê li herêmê vejîne.”

Her wiha di merasîmê de hevserokê Nivîsgeha Têkiliyên Dîplomatîk a Partiya Yekitiya Demokratîk (PYD) şaxê herêma Firatê Bekir Hec Îsa axivî û got: “Dewleta Tirk di êrişên li dijî Hesekê de ji cîhanê re isbat kir ku ew hemêzkera terorê ye û armanc dike projeya herêmê ya demokratîk têk bibe."

Di dawiyê de Meclisa Malbatên Şehîdan a herêma Firatê wesîqeya şehadeta şehîd radestî malbata wî kir û piştre girseya gel cenazeyê şehîd veşart.

(şx)

ANHA