Li Reqayê pêşbaziya hespên erebî yên esîl

Rêxistineke herêmî bi hevkariya Komîteya Ciwan û Werzîşê ya Reqa û Gundewarê, bi dirûşmeya "Em xwediyên wê ne", pêşbaziya hespan li dar xist.

NÛÇE

10 ÇILE, 2022 17:29

REQA

Pêşbazî bi beşdarbûna şêniyên bajarê Reqa, xwediyên hespên esîl, endamên Yekitiya Werzîşê ya Giştî ya Bakur û Rojhilatê Sûriyê, endamên Komîteya Werzîşê û Ciwanan a Reqayê û Gundewarê wê û gelek endamên saziyên sivîl li dar ket.

Pêşbazî ji sê qonaxan pêk hat, a yekemîn 800 metre bû. Hespê Melek Nefertîtî di asta yekemîn de bi ser ket, her wiha hespê Esayîl jî di asta duyemîn de û hespê Nîzar Fedlî jî di asta sêyemîn de bi ser ketin.

Di qonaxa duyemîn a bi dirêjahiya hezar û 400 metre de, hespê Werd di asta yekemîn de ket, hespê Asîl jî di asta duyemîn û hespê Xade di asta sêyemîn de bi ser ketin.

Di qonaxa sêyemîn a dawî ya beza 2 hezar metre de, hespê Tahan di asta yekemîn de, Wedah di asta duyemîn de û hespê Esmer jî di asta sêyemîn de bi ser ketin.

Di dawiya pêşbaziyê de hespên bi serketin xelat wergirtin. Rêxistina Ciwanên Oksejînê spasname li Komîteya Werzîşê ya Reqa û Gundewarê wê li xwediyên hespên esîl ên Reqa û gundewarê wê belav kirin.

(eh)

ANHA