Li Şehbayê merasîmê salvegera vekirina Navenda Lêkolînên Jineolojî

Bi boneya salvegera yekemîn a vekirina Navenda Lêkolînên Jineolojî li kantona Şehbayê, merasîmeke li hola Mîtan a çand û huner ya li navçeya Ehdasê hate lidarxistin. Di merasîmê de şehîdên komkujiya Parîsê Sakîne Cansîz, Leyla Şaylemez û Fîdan Dogan hatin bîranîn.

Merasîm bi deqeyeke rêzgirtin dest pê kir. Paşê sînevîzyoneke li ser jiyana şehîd Sakîne Cansiz û hevalên wê hate pêşandan û ji aliyê endama Navenda Lêkolînên Jineolojî ya Efrîn-Şehba Zehrîvan Hisên ve beşek ji pirtûka Sekîna Cansiz a bi navê `Jiyana min her tim şer e` hate xwendin.

Piştre endama Navenda Lêkolînên Jineolojî ya Efrîn- Şehba Şervîn Nûdem pirtûka` Bigeha dîrokî û siberoja şoreşa jinê` ya ku ji aliyê navendê ve hatiye derxistin da nasandin.

Şervîn Mûdem got: ''Berhemên bingehîn a şoreşa neolîtîk yên ku li Rojhilata Navîn pêk hatine di hundir pirtûkê de bi aweyekî berfireh tê şîrovekirin. Di hundir pirtûkê de pirsgirêkên civakê yên weke mijara hevberdan û çareseriya tên şîrovekirin."

Pişte ji aliyê endama Navenda Lêkolînên jineolojî Zehîde Mamo ve kar û xebata salekê yên navendê  nirxandin. Ji wan; gelek perwerdeyên jineolojî ji bo sazî û dezgehên Rêveberiya Xweser hatin dayîn. Di heman demê de gelek lêkolîn li ser mijara hevberdanê hatine çêkirin.

Di dawiyê de pirtûka `Bingehê dîrokî û siberoja şoreşa jinê` li saziyê Rêveberiya Xweser hate belavkirin.  

ANHA