Komîteya Tenduristiyê ya Tebqayê civîna xwe ya salane li dar xist

Civîn li hola civînana  a nexweşxaneya Wetenî, bi beşdarbûna bijîjk, xebatên tenduristiyê yên navendên tenduristiyê û nexweşxaneya Wetenî hate lidarxistin.

Di civînê de Şêwirmendê Desteya Tenduristiyê ya Bakur û Rojhilatê Sûriiyê Fîras Îbrahîm lidarxistina civînê li xebatên tenduristiyê pîroz kir û ji ber xebata wan a li hemberî vîrusa koronayê spasiya wan kir. Îbrahîm got: "Sala 2021'an Rêveberiya Xweser, bi saya tevahî karkeran, bi taybet kadroyên tenduristiyê gavên mezin avêtin, nexasim di aliyê têkoşîna li hemberî vîrusa korona de, pêşxitina qada tenduristiyê û belavkirina zanebûna tenduristiyê di nav welatiyan de."

Fîras Îbrahîm rewşa siyasî nirxand, îşaret bi astengiyên li pêşiya Rêveberiya Xweser, êriş û gefên dewleta Tirk a dagirekr ên li ser herêmê kir.

Îbrahîm got: "Em di hemû aliyan de amade ne, hêza me têrê dike ku bersiva her êrişekê li ser xaka me bidin. Em dikarin herêmên xwe bi rêve bibin û pêwîstiya me bi destwerdana derve tune ye."

Piştre rapora salane ya Komîteya Tenduristiyê ji aliyê rêveberê nexweşxaneya Wetenî Ela Osman ve hate xwendin û sînevîzyoneke li ser xebatên komîteyê hate pêşandan.

Di dawiyê de plansaziya sala nû hate eşkerekirin, ji wan vekirina nexweşxaneya welidandinê, sererastkirina navendên tenduristiyê ya li taxa Yekem a Tebqa û gundê Caber û dabînkirina amûra tomografî û mamografiyê ji bo Nexweşxaneya Niştimanî ya Tebqayê.

ANHA