Saziyên xizmetguezariyê yên Dêrazorê civîna xwe ya salane li dar xist

Nûnerên meclis û saziyên xizmetguzariyê tev li civînê bûn. Hevserokê Meclisa Gel a Bajarê Hecînê Selah Selman axivî û îşaret bi rewşa siyasî û ewlehiyê kir.

Dûvre saziyan projeyên xwe yên 2021`ê û zehmetiyên pê re rû bi rû man diyar kir, her wiha projeyên 2022`an û budçeya jê re hatiye pêşniyarkirin, destnîşan kirin.

Hevserokê Şaredariya Gel a Hecînê Hetîmî El-Lewahe behsa girîngtirîn projeyên Desteya Xizmetguzarî û Şaredariyan kir, ji wan bi dirêjahiya 42 km kolana giştî ya ji bajarê Hecînê heta Baxozê qîr kir, projeya sererastkirina orta kolana Işrîn, projeya qewsê ya ketina rojavayê bajêr û çerxerêya Hecînê, her wiha vekirina firina Hecînê û çavdêriya projeyên ronahiyê.

Her wiha gelek proje bo 2022`an hatin pêşniyarkirin, ji wan berdewamkirina sererastkirina peyara kolana Işrîn, bi lêçûna 57 hezar dolarî hemû peyarên kolanên bajarokê Hecînê werin sererast kirin û çerxerêya El-Sae ya aliyê rojhilatê bajêr jî bi lêçûna 8 hezar û 300 dolarî were sererastkirin.

Hevserokê Gerînendeya Çandiniyê ya Hecînê Cindî El-Teme diyar kir ku hîn jî tov û semad li cotkaran tê belavkirin, têkildarî sotemeniyê hîn jî parên komeleyên çandiniyê yên ruxsetkirî têne dayîn û wiha dewam kir: "Baran nebariya ev jî bû sedema ziwabûnê û hilberîn jî bû kêmî û cotkaran jî tov neanîn gerînendeya çandiniyê. Derbarê pembo jî de li gorî nirxî diyarkirî ji cotkaran hate kirîn."

Gerînendeyê Yekîneya Avê ya Hecînê Tirkî Salim axivî û îşaret bi projeyên îsal yekîneyê pêk anîne, kir ji wan avakirina yekîneyên parzûnkirinê û safîkirina wan di sê stasyonan de ku ew jî, Stasyona Keşkiye ya Duyemîn, Stasyona Hecînê ya Sêyemîn û Stasyona Şefe ya Duyemîn. Her wiha xebatên meydanî û torên xeta rojhilat hatin sererastkirin.

Tirkî Salim da zanîn ku ji girîngtirîn projeyên Yekîneya Avê 2022`an pêk bîne, avakirina torên stasyonên nû û li hemû herêmên gundewarê rojhilat xetên nû ji herêmên ava vexwarinê nagihêje wan werin kişandin.

Di civînê de behsa qada perwerde û fêrkirinê hate kirin û hate gotin, baş derbas dibe, lê hejmara dibistan, mamosteyan û derfet kêm in. Têkildarî vê qadê hevserokê Gerînendeya Hecînê Ehmed Şiblî axivî û got: "Qada perwerdê îsal li 42 dibistanên girêdayî gerînendeya Hecînê xwendekar fêr kir û nû 41 dibistan vekir, 8 dibistanên din jî vedike. Ezmûnên erkdarkirina mamosteyan li dar xist da perwerde baş pêşbikeve û çalakiyên çandî û xemrevînî ji xwendekaran re li dar xist. Hejmara xwendekarên jî di hefteyên derbasbûyî de zêde dibû."

Têkildarî Meclisa Malbatên Şehîdan, qada tenduristiyê, komîteya lihevanînê, jinan û ciwanan li gorî di raporên wan de hate xuyakirin, karên wan baş derbas dibû û bi meclisên herêmî û malbatan re hevkar in, her wiha parastina edaleta civakî û civaka durist dikin.

(eh)

ANHA