Hêzên PDK'ê li Sêmalkayê êrişî ciwanan kir; 2 jê giran 15 birîndar-HATE NÛKİRİN

Meşa ciwanên bi dirûşma "Werin Cenga Azadiyê " beriya 3 rojan ji Qamişloyê dest pê kir û îro gihaşt dergeha Sêmalkayê. Li Sêmalkayê hêzên PDK'ê êrişî ciwanan kir.

Nûçegihanê me ji qadê ragihand ku hêzên PDK’ê li dijî meşvanan kevir û gaz bi kar aniye û di êrîşê de 2 jê giran 15 ciwan birîndar bûne. Her wiha hêzên PDK'ê gule berdan hewa.

ÇI BÛBÛ?

Hêzên PDK’ê di 28-29’ê Tebaxê de li Xelîfanê ya Herêmên Parastinê yên Medyayê komeke gerîla xistibû kemînê û di encamê de 5 gerîla şehîd kiribûn, gerîlayek jî rizgar bûbû û gihaştibû yekîneya xwe. Her wiha heya niha jî tu agahî ji gerîlayekî din nîn e.

Malbatên şehîdan û gelê Rojava ji bo PDK cenazeyên gerîlayan radest bike, zêdetirî 72 rojan e li Sêmalkayê çalakiya konvedanê li dar dixin û heta niha bi hezaran kesî serdana konê çalakiyê kir û destek da çalakiyê.

Tevgera Ciwanên Şoreşger û Yekitiya Jinên Ciwan beriya 3 rojan ji Qamişloyê dest bi Meşa Dirêj kir da ku destekê bidin çalakiyê. Ciwan îro gihaştin dergeha Sêmalkayê û rastî êrişa hêzên PDK’ê hatin.

Li gorî agahiyên berdest, aloziya li dergehê hê jî berdewam dike.

ANHA