Roja yekemîn a civîna jinûve sazkirina hevpeymana civakî bi dawî bû

Civîna dawî ya komîteya berfireh a jinûve sazkirina hevpeymana civakî ya Bakur û Rojhilatê Sûriyê vê sibehê li hola Serdem a li bajarê Hesekê dest pê kir. 157 endamên komîteya berfireh, nûnerên Rêveberiya Xweser a Bakur û Rojhilatê Sûriyê, partiyên siyasî, tevgerên ciwanan, hiqûqnas, saziyên civaka sivîl û civakî li herêmê beşdarî civînê bûn.

Roja yekemîn a civînê bi nîqaşên li ser reşnivîsa hevpeyama civakî û guhertina bendên wê bi dawî bû.

15`ê Tîrmeha borî, Rêveberiya Xweser komîteyeke biçûk ji 30 endaman ava kir da ku reşnivîsa hevpeymana civakî amade bike û di civînên berfireh de bi civaka Bakur û Rojhilatê Sûriyê re ev reşnivîs hat nîqaşkirin.

Têkildarî mijarê endamê Komîteya Hevpeymana Civakî ya Rêveberiya Xweser a Bakur û Rojhilatê Sûriyê Deham Setam diyar kir di roja yekemîn de komîteya taybet de  reşnivîsa hevpeyaman civakî hate nîqaşkirin û got: " Me gelek xalên hevpeymanê bi awayekî lihevhatî û demokratîk guhertin."

Setam di dawiyê de diyar kir ku dê civîn du rojan dewam bike, tê de xalên mayî yên hevpeymana civakî nîqaş bikin.

(eh)

ANHA