Operasyonên qirkirina siyasî: Li Amedê 14 kes hatin girtin

Navnîşana operasyonên siyas bajarê Amedê ye. Serê sibehê zû polîsan bi maşîneyên zirxî derdora gelek malan girtin û avêtin ser malan. Polîsan li mala lêgerîn pêk anî û piştî lêgerînê siyasetmedar, sendîkavan û dayikên aştiyê di nav de herî kêm 14 kes hatin binçavkirin. Sedema binçavkirinan nehat zanîn û wan birin Miduriyeta Polîsan a Amedê.

Heta niha navê kesên hatine binçavkirin wiha ne: Rêveberê Rêxistina HDP'ê ya Bajêr a Amedê Huseyîn Baran, Mehmet Asena, Şeyhmus Yavuz, Hevserokê Rêxistina HDP'a Navçeya Rezanê Nasir Yelter, Rêveberên Rêxistina DBP'ê ya Bajêr a Amedê Yasemin Akengîn, Alî Alkan û Mehmet Suslu, Hevserokê Rêxistina Partiya Sosyalîst a Bindestan (ESP) a Bajêr a Amedê Erkan Keskin, Rêvebera Sendîkaya Kedkarên Xizmeta Tenduristî û Civakî (SES) a Şaxa Amedê Gulhan Tekîn, Hevseroka Egîtîm Senê ya Şaxa Amedê ya Jimara 2'an Arzu Koç, Cîgirê Serokê GiştÎ yê Partiya Sosyalîst a Kurdistan (PSK) Bayram Bozyel, Endama Desteya Rêveberiya Odeya Endeyzarên Makîneyê ya Şaxa Amedê Arîn Zumrut, Hevserokê TUM BEL-SEN'ê ya Şaxa Amedê Bakî Ondeş û Endama Meclîsa Dayikên Aştiyê ya Amedê Vesiye Yîgît.