Şêniyên Tebqayê li dijî êrişên dewleta Tirk xwepêşandanek li dar xist

Xwepêşandan ji aliyê Kombûna Jinan a Zenûbiya ve bi beşdarbûna bi sedan kesî li taxa Duyemîn a bajêr li dar ket.  

Xwepêşandêran wêneyên şehîdan, wêneyên rêber Abdullah Ocalan û pankartên bi erebî, îngilîzî û fransî ku êrişên dewleta Tirk ên li dijî Bakur û Rojhilatê Sûriyê û Başûrê Kurdistanê şermezar dikin, hildan.

Berdevka Nivîsgeha Kombûna Jinan a Zenûbiya ya Tebqayê Neîma El-Eswed di çalakiyê de axivî û gefên dewleta Tirk şermezar kirin û got: "Em teslîmkarî û hebûna vê dagirkeriyê li ser axa xwe qebûl nakin. Destkeftiyên ku şehîdan bi xwîna xwe bi dest xistine, winda nabin. "

Hevserokê Meclisa Rêveber a Tebqayê Mezlûm Umer jî bang li civaka navneteweyî kir ku li hember azarên gelê herêmê bê deng nemînin.

Her wiha ji rêveberên Meclisa Malbatên Şehîdan a Tebqayê Mihemed El-Ereb diyar kir ku dewleta Tirk a dagirker bi êrişên xwe hewl dide jiyana hevbeş têk bibe, her wiha ev binpêkirin têkçûna projeyên wê yên dagirkeriyê eşkere dike û bang li civaka navneteweyî kir ku li hemberî van sûcên dewleta Tirk a gelên Bakur û Rojhilatê Sûriyê bê deng nemîne.

(dx)

ANHA