Li Tebqayê qedexeya giştî hate ragihandin

Rêveberiya Sivîl a Herêma Teqbayê li ser malpera xwe ya fermî biryar da. Di biryayê de ev yek hat gotin: "Ji ber ku vîrusa Korona belav bûye û di pêla çarem de hejmara pêketî û miriyan zêde bûye, her wiha li gorî pêşniyara Komîteya Tenduristiyê ya Tebqa ev biryar hate dayîn. Ji ber hejmara pêketiyan û miriyan rojane zêde dibe, di heman demê de ev qonax xeteriyê li ser tenduristiya welatiyan çêdike û li gorî berjewendiyên giştî ku divê tedbîran pêwîst werin girtin û bi sedema belavbûna lez û xeter a vê vîrusê, hevserokatiya Meclisa Rêveber a Herêma Tebqayê ev biryar dan;

-Li tevahiya herêmên Rêveberiya Sivîl a Demokratîk a Tebqa û gundewarên wê heta deh rojan qedexeya derketina derve ya giştî dikeve pratîkê. Qedexeya derketinê roja sêşemê 02-11-2021 û heta roja pêncşemê 11-11-2021`ê ye.

-Tevahiya kombûn ji şahî, konên sersaxiyan, civîn, penal û mizgeft qedexe ne.

-Tevahiya dibistan, peymangeh û pêşdibistên li Tebqa û gundewarên wê ji roja sêşemê ve 02-11-2021`ê ve têne girtin.

-Qedexeyê tevahî nexweşxane, dermanxane, rêxistinên mirovî, rojnamevan, firin, benzînxane,  tevgera sehrîcên veguhestina sotemeniyan û erebeyan kel û pelan di nav xwe de nagire.

-Ji bilî saziyên ku pêwîstiya wan bi karê rojane heye, tevahî sazî û daîreyên Rêveberiya Sivîl a Herêma Tebqayê di dema qedexeyê de têne rawestandin, lê tenê yên ku kar û xebatên wan berdewam in ranawestin.

-Hemû saziyên çapemeniyê welatiyan hişyar dikin da ku parastina xwe bikin û dûrî kombûnan bikevin.

-Tevgera cotkar û karkeran tê hêsankirin û li gorî tedbîrên tenduristî û dûrketina ji kombûnan tev bigerin.

-Divê hemû  welatî li gorî tedbîrên qedexeyê tev bigerin, dûrî hev bikevin, maskan bi kar bînin û beriya dema pêkanîna vê biryarê hemû pêwîstiyên malê dabîn bikin.

-Tevgera erebeyan û veguhestina hundirîn ji servîs û teksiyan di dema qedexeyê de têne rawestandin. Kesên  li gorî biryarê tevnegerin wê werin cezakirin.

-Divê ev biryar pêk were û ji 2-11-2021`ê ve dikeve pratîkê."

(eh)

ANHA