Mîhrîcana Şehîd Baran Mawa li Hesekê hat lidarxistin

Mîhrîcan li stada Cizîrê ya li taxa Til Hecir a Hesekê li dar ket. Tê de hevserokatiya Tevgera Ciwanên Şoreşger a herêma Cizîrê, endamên Dibistana Pilingên Taykwondo û malbatên wan amade bûn.

Çalakiyên mîhrîcana 1’emîn a Werzîşê ya Şehîd Baran Mawa di 23’yê Cotmehê de li Qamişlo li dar ketin. Armanca wê ciwanan teşwîqî tevahî cureyên werzîşê bikin.

Di çalakiya îro de, di navbera tîma Roj a keçan û tîma Salar a xortan de pêşbirkek li dar ket. Her wiha Tevgera Ciwanên Şoreşger mertala bîranînê da du tîmên herî baş ên xort û keçan.

Li ser vê yekê, Hevseroka Tevgera Ciwanên Şoreşger a herêma Cizîrê Xelat Şêxmûs wiha got: "Ev sala yekemîn e mîhrîcan li herêma Cizîrê li dar dikeve, ji Qamişloyê de dest pê kir û dê li Hesekê bi dawî bibe."

Xelat Şêxmûs da zanîn ku di mîhrîcanê de tevahî cureyên werzîşan ên herêma Cizîrê beşdar bûn.

Li aliyekî din jî endamê Meclisa Rêveber a Dibistana Pilingên Taykwondo Ebdulezîz Abî wiha got: "6 tîm ji Dibistana Pilingên Taykwondo beşdarî mîhrîcanê bûn,  bi wê re 2 tîmên herî baş ên keç û xortan hatin xelatkirin."

Ebdulezîz Abî got li herêmê ji ber vîrusa Koronayê qedexeya gişît heye û li gorî van rewşan ev mîhrîcan pir girîng e û wê yekê jî moralek da ku perwerde zêde pêk werin.

(fr)

ANHA