PDK'ê ev cara duyemîne ku daxwazên Dayikên Aştiyê red dike

Komek ji 21 endamên Dayikên Aştiyê li ber konê xwepêşandanê yê deriyê Sêmalka yê li bajarê Dêrikê kom bûn û berê xwe dan deriyê Pêşxabûrê da ku daxwaza wergirtina cenazeyên her du şehîdan Tolhildan Raman û Serdem Cûdî, bikin.

Hêjayî bibîrxistinê ye ku Raman û Cûdî li Xelîfanê di kemîna çekdarên PDK'ê û Leşkarên Roj de şehîd bûbûn.

Hêzên PDK'ê peyama Dayikên Aştiyê ya ku ji bo hikumeta Herêma Kurdistanê re nivîsandibûn, wernegirtin. Her wiha PDK        `ê hewl dan rojnamevanên ku çalakî dişopandin asteng bikin.

Di peyama Dayikên Aştiyê de daxwaza wergirtina cenazeyên her du şehîdan Tolhildan Raman û Serdem Cûdî hate kirin.

Ji ber ku hêzên PDK'ê name ji destê wan negirt, dayikan çalakî li ser pira di navbera Başûrê Kurdistanê û Rojava de li dar xist.

Di heman çarçoveyê de, Dayikên Aştiyê piştrast kirin ku ew ê çalakiya xwe li deriyê Sêmalka bidomînin heya ku cenazeyên her du şehîdan werdigirin.

Ev cara duyemîn e ku Dayikên Aştiyê ji bo wergirtina cenazeyên şehîd Tolhildan Raman û Serdem Cûdî diçin deriyê Pêşxabûr, lê PDK'ê bersiva daxwazên wan nade.

(dx)

ANHA