Li Helebê bi hezaran kes ji bo rêber Ocalan meşiyan

Bi hezaran şêniyên taxên Şêxmeqûsd û Eşrefiyê yên Helebê bi meşekê Komploya Navneteweyî ya li dijî rêber Abdullah Ocalan şermezar kir.

Girse ji pêşiya hola civînan a beşê rojava yê taxa Şêxmeqûdê dest bi meşê kirin. Di meşê de posterên rêber Ocalan û al û sembolên kurdî hatin hildan û bê navber diruşmeyên silavkirina berxwedana Îmralî û banga azadiya rêber Ocalan hatin berzkirin.

Meş li çerxerêya Rêber Abdullah Ocalan a herêma Cîbayat a beşê rojhilat ê taxa Eşrefiyê rawestiya û deqeyeke rêz hate girtin.

Piştre, endama rêveber ên Komîteya Azadiya Rêbertî Amina Xidro û endamê Meclisa Giştî ya PYD'ê Emîn Elîko axivîn.

Di axaftinan de hate gotin ku dewleta Tirk di dosyaya rêber Ocalan de hemû qanûn û pîvanên mirovahiyê derbas dike.

Her wiha hate diyarkirin ku berxwedan wê berdewam bike heya ku azadiya fîzîkî ya rêbertî pêk were û hate destnîaşankirin ku erka hemû gelan ew e bi hemû hêza xwe têkoşînê bikin, dengê heqîqetê bighîne tevahî qadên cîhanê û banga azadiya rêbertî bikin.

Kesên axivîn, 9'ê Cotmehê bi rojeke bi êş ji bo gelên azadîxwaz bi nav kir.

Di dawiya axaftinan soza xurtkirina têkoşînê heta azadiya rêbertî û rizgarkirina herêmên dagirkirî hate dayîn.

ANHA