1’emîn konferansa Komîteya Wêjeyê ya Rojavayê Kurdistanê bi encameyekê bi dawî bû

Îro Komîteya Wêjeyê ya Rojavayê Kurdistanê bi dirûşma “Wêje..Hizir, Hebûn û Berxwedan e” 1’mîn konfransa xwe li hola Efrîn a li Qamişlo bi amadebûna 65 delegeyî li Bakur û Rojhilatê Sûriyê li dar xist.

Di encama konfransê de navê (Komîteya Wêjeyê ya Rojavayê Kurdistanê) bû Dîwana Wêjeyê. Her wiha 5 kes ji bo rêveberiya Dîwana Wêjeyê hatin hilbijartin, navên wan wiha ne; Narîman Evdikê, Zara Mihemed, Ebdulmecîd Xelef, Botan Hoşê û Ednan Îbrahîm.

Encamnameya konfransê ji aliyê endama rêveberiya Komîteya Wêjeyê ya Rojavayê Kurdistanê Zara Mihemed ve hat xwendin û naveroka wê wiha ye:

`Di 29`ê Tebaxa 2021`an de bi insiyatîfa Komîteya Wêjeyê ya Rojavayê Kurdistan û bi silogana “Wêje.. Hizir, Hebûn û Berxwedan e” 1’emîn konfransa Dîwana Wêjeyê bi amadebûna hejmareke mezin ji wêjevan, lêkolîner û xemxurên wêjeyê li dar ket.

Bi amadebûna 65 delege ji hemû bajar û bajarokên Bakur û Rojhilatê Sûriyê, nîqaşên zengîn û hêja der barê rewşa wêjeyê li herêmê, astengiyên li pêşiya wêjevanan, çawaniya pêşxistina wêjeyê ku bibe bersiv ji guherînên nû re, hatin kirin. Her wiha kar û xebatên dema borî hatin nirxandin û çawaniya pêşvebirina vê xebatê di demên pêş de hate guftûgokirin, di encamê de gelek biryarên girîng hatin dayîn û komîteyeke rêvebir hate hilbijartin ku bikaribe armanc û hêviyên konferansê pêk bîne û di Bakur û Rojhilatê Sûriyê de pêşxistinekê di warê wêjeyê de ava bike.`

1’emîn Konfransa Komîteya Wêjeyê ya Rojavayê Kurdistanê bi dawî bû.

(sb)

ANHA