Leşkerên Tirk îşkence li du ciwanên Kobanê kir

Ciwanê bi navê Ebdullah Ednan Cuma yê ji gundê Cim Heran ê tevî ciwanekî din bi destê leşkerên Tirk hatiye îşkencekirin wiha got: "Ez bi hevalekî xwe yê ji Minbicê re çûm Kobanê da ku derbasî Bakurê Kurdistanê bibim. Di şeva berê de qaçqaçiyekî em birin gundê Qeremoxa Rojhilat ê ku 15 kîlometre dûrî Kobanê ye. Saet di 04:00’an sibehê de piştî 5 saetan ji bendewariyê em derbasî aliyê din bûn."

Ebdullah Cuma wiha domand: "Piştî em derbarî aliyê din bûn anku Bakurê Kurdistanê, dengê avêtina guleyan ji hêla artêşa Tirk a dagirker ve hat, me hewl da xwe veşêrin, lê belê di dawiyê de em hatin girtin û bi tevahî rê û rêbazan îşkence li me hat kirin."

Ebdullah Cuma wiha dawî li gotina xwe anî: "Piştî vê lêdan û îşkenceyê, leşkeran pereyên me birin û em avêtin xaka Kobanê, piştre jî Hêzên Ewlekariya Hundirîn em birin nexweşxaneya bajêr."

(fr)

ANHA   

<iframe width="560" height="315" src="https://www.youtube.com/embed/MK6VV0gqL0s" title="YouTube video player" frameborder="0" allow="accelerometer; autoplay; clipboard-write; encrypted-media; gyroscope; picture-in-picture" allowfullscreen></iframe>