​​​​​​​Bi merasîmekê şehîd Mezlûm Serhed spartin axê

Hevalên şehîd, cenazeyê hevrêyê xwe hilgirtin û bi diruşme û tilîliyên dayikan ber bi goristana Şehîd Delîl Sarûxan ve çûn.

Merasîm bi deqeyeke rêzgirtin dest pê kir. Hevseroka Meclisa Malbatên Şehîdan Hêvî Seyid axivî, sersaxî ji malbata şehîd û dayika şehîd ku li Bakurê Kurdistanê ye re xwest û got: "Şehîd Mezlûm îsbat kir ku şagirtê rêber Abdullah Ocalan e, ji bo belavkirina fikir û felsfeya wî dixebitin, çiqasî me behsa têkoşîn û berxwedana şehîd Mezlûm bikin em nikarin mafê wî bidin."

Hêvî diyar kir ku şehîd Mezlûm efsanên qehremantiyê raber kir, da ser şopa şehîdan, beşdarî piraniya pêngavên berxwedanê yên rizgarkirina Bakur û Rojhilatê Sûriyê bû.

Dayika şehîd Serhed, Sacîda Can bi rêya telefonê beşdar bû û got: "Kurê min şehîdê tevahî Kurdistanê û tevahî hêzên Kurdî ye."

Birayê şehîd, Zana Serhed jî wiha got:  "Şehîd Mezlûm dê di dilê me de bimîne, mamoste û hevrêy me bû. Tevî hemû astengiyan têkoşîna xwe berdewam kir û em pê serbilind in."

Zana Serhed di dawiya axaftina xwe de soza şopandina rêya şehîdan da û got: "Bijî serok Apo, şehîd namirin."

Meclisa Malbatên Şehîdan nasnameya şehîd xwend û radestî malbatê kir.

Hevalên şehîd cenaze hilgirtin ser milê xwe û bi diruşmeyan spartin axê.

(bb)

ANHA