Pêkhateyên Tirbespiyê û Çilaxa salvegera Şoreşa 19'ê Tîrmehê pîroz kir

Bi dehan şêniyên navçeya Tirbespiyê bi hemû pêkhateyên wê li qada Azadî ya rojavayê navçeyê pîrozahiya salvegera Şoreşa 19'ê Tîrmehê li dar xistin. Qad bi alên YPG, YPJ û QSD'ê hate xemilandin.

<iframe width="560" height="315" src="https://www.youtube.com/embed/PZnzYRFe-iU" title="YouTube video player" frameborder="0" allow="accelerometer; autoplay; clipboard-write; encrypted-media; gyroscope; picture-in-picture" allowfullscreen></iframe>

Şahî bi deqeyeke rêzgirtin dest pê kir. Ji rêveberên PYD'ê yên navçeya Tirbespiyê Hediya Şemo axivî û diyar kir ku Şoreşa 19'ê Tîrmehê ji bo pêkhateyên herêmê xaleke girîng bû ku li hemberî terorê bûn yek û civakeke demokratîk ava kir.

Hediya Şemo diyar kir ku Şoreşa 19'ê Tîrmehê bi şoreşa jinê tê naskirin, jinan di hemû qadan de bi taybet di qada leşkerî de pêş ket û teror têk bir.

Ji fermandarên YPG'ê Baran Omerî jî got, ew hêzên leşkerî ji bo parastina gel û xaka xwe amade ne xwe feda bikin û her buhoseke dagirkirî rizgar bikin. Baran Omerî soza têkoşînê bi şehîdên şoreşê re nû kir.

Piştî axaftinan Koma Şehîd Xebat a girêdayî navenda Çand û Hunerê ya Hêzil a Tirbespiyê, hunermendarê Kurd Ebdurehman Bavê Emîn û Koma Şehîd Zîlan a ji Dirbêsiyê, hunermend Danîş Botan, Baran û Nûrî Elî stran gotin.

Şêniyan li ber stranan xelekên govendê gerandin.

ÇILAXA

<iframe width="560" height="315" src="https://www.youtube.com/embed/IKgZoq0S4kw" title="YouTube video player" frameborder="0" allow="accelerometer; autoplay; clipboard-write; encrypted-media; gyroscope; picture-in-picture" allowfullscreen></iframe>

Bi heman armancê li Geraca navçeya Çilaxa jî şaniyeke bi beşdarbûna bi dehan şênî ji pêkhateyên Kurd, Ereb û Suryan hate lidarxistin. Cihê şahiyê bi alên hêzên leşkerî û saziyên sivîl û pankartên bi nivîsên  "Bi rihê Şoreşa 19'ê Tîrmehê em ê dagirkeriyê têk bibin û serkeftina şoreşê misoger bikin" û "Bijî biratiya gelan" hat xemilandin.

Piştî deqeya rêzgirtin, bi navê Rêveberiya Xweseriya Demorkatîk Murad Şemo axivî û diyar kir ku serkeftina Şoreşa 19'ê Tîrmehê berhemên fedekariyên bi sedan şehîdan e.

Şemo banga hevgirtinê û piştgiriya Rêveberiya Xweser li şêniyan kir.

Di şahiyê de bi navê PYD'ê Sirûr Şetê jî got, Şoreşa 19'ê Tîrmehê berhema Berxwedana 14'ê Tîrmehê û girtîgehan e û diyar kir ku pêkhateyên herêmê Kurd, Ereb û Suryan serî ji siyasetên fitneyê re danaxin ku projeya Rêveberiya Xweser dikin armanc.

Piştî axaftinan şêniyan li ber stranên Koma Agirî ya ji Amûdê û gelek hunermendên kurd xelekên govendê gerandin.

ANHA