Şêniyên Reqayê berxwedana gerîla silav kir

Bi sedan şêniyên Reqa û gundewarê wê li dijî êrişên dewleta Tirk a dagirker ên li ser Başûrê Kurdistanê û Iraqê meşiyan.

Meş ji pêşiya Nexweşxaneya El-Wetenî dest pê kir. Şêniyan pankartên bi nivîsên "Ji dagirkeriya Tirk a li Sûriyê û Iraqê re na", "Tev li cenga azadiyê bibin" û "Bimre dîktatorê serdemê Erdogan" vekirin û bê navber diruşme yên silavkirina berxwedana gerîla û QSD'ê û şermezarkirina êrişên dewleta Tirk ên li Sûriyê û Iraqê berz kirin.

Meş li kolanên sereke geriya û li çerxerêya Seatê mîtîngeke hate lidarxistin.

Bi navê meclisên giştî yên Reqayê Xelîl El-Hemûd axivî, diyar kir ku Tirkiyê bi destwerdanên xwe yên li Sûriyê, Iraq û Lîbyayê hewl dide dewleta Osmanî ya hilweşiyayî zindî bike.

Bi navê ciwanên şoreşger Îbrahîm Mihemed banga xwedîdkertina li berxwedana gerîlayan a li dijî dagirekriya Tirk kir û wiha got: "Tirkiyê hewl dide felsfeya rêber Abdullah Ocalan a ku rêya xelasiya gelên Rojhilata Navîn e tune bike"

Di çalakiyê de, endama rêveber a Nivîsgeha Jinan a Partiya Sûriya Pêşerojê Xaliya El-Kecwan axivî, şehîdên azadiyê bi bîr anîn, berxwedana gelan silav kir. Her wiha destnîşan kir ku çarenûs û birîna gelên Sûriyê û Iraqê yek e.

Çalakî bi diruşmeyên silavkirina berxwedana gerîlayan bi dawî bû.

ANHA

<iframe width="560" height="315" src="https://www.youtube.com/embed/wAIyh_8INVY" title="YouTube video player" frameborder="0" allow="accelerometer; autoplay; clipboard-write; encrypted-media; gyroscope; picture-in-picture" allowfullscreen></iframe>