Şaredariya Dêrikê pêngavek da destpêkirin

Pêngav ji kolana Kornîş bi dirêjahiya 4 km dest pê kir, tê de derdora rêyan heta kolanên sereke yên navçeyê hatin paqijkirin û qiraxa çemê Dêrikê bi dirêjahiya 2 km hate paqijkirin.

Li gorî endama rêveber a Şaxê Park û Paqijkirinê Ahîn Dûma, pêngav ji bo tevahî parkên giştî û çerxerêya Şehîdan e û got: "Park û çerxerê ji qirêjê hatin paqijkirin û gîhayên bi ziyan hatin rakirin, her wiha sûrên wê hatin nûkirin û boyaxkirin û li tevahî navçeyê dermanên li dijî kêzikan hatin reşandin."

Ahîn diyar kir ku gerên karkerên paqijiyê li kolanên giştî û sûka navendî hatin zêdekirin û derbarê avahiyên ne qanûnî  de biryarname hatin derxistin ku werin muxalefkirin.

Ahîn diyar kir ku wan bi Komîteya Xizmetguzariyê ya şaredariyê re koordîne kirine û di rojên bê de rêyên giştî yên li navçeyê ronî bikin û di qonaxa duyemîn de dê deverên giştî û peyarên ku ziyandîtine sererast bikin.

Her wiha dê Komîteya Xizmetguzariyê xetên kanalîzasyonê yên yên ku xirab bûne sererast bike û xeteke nû bi dirêjahiya 100 mîtreyan dyne.

ANHA

<iframe width="560" height="315" src="https://www.youtube.com/embed/rDZV6WsWd_4" title="YouTube video player" frameborder="0" allow="accelerometer; autoplay; clipboard-write; encrypted-media; gyroscope; picture-in-picture" allowfullscreen></iframe>