​​​​​​​Weqfa Jina Azad dest bi rêzeçalakiyan kir

Weqfa Jina Azad roja sêşemê destpêkirina hemleyeke fikirî û tenduristî li herêma Cizîrê ragihandibû. Tê payîn ku hemle heta 20`ê Tebaxê bidome.

Her wiha weqfê di daxuyaniya xwe de diyar kiribû ku ji vê hemleyê armanc dike jinan di warên fikirî û tenduristî de bi pêş bixe û bi awayekî cidî li hemberî vîrusa Koronayê tev bigerin.

Semîner li Navenda Kongreya Star a li gundê Girbawî hat dayîn. Bi dehan jinên gund û endamên Kongreya Star beşdar bûn.

Endama rêveber a Weqfa Jina Azad Hesîne Mihemed di semînerê de axivî û diyar kir ku di gelek civakan de jin tên çewisandin lê li herêmê piştî şoreşa Rojava jinan gelek mafên xwe bi dest xistin û di gelek waran de, nexasim leşkerî, cihê xwe girt û mînaka wê jî bi hezaran şervanên jin ji bo herêmê şehîd ketin.

Hesîne di axaftina xwe de bal kişand ser diyardeya zewicandina zarokan û got: “Ev diyarde gelek xetere ye û hîna li gelek welatên cîhanê belav e. Ji sedemên wê xizantî, kevneşop, nezanî û tunebûna qanûnên li dijî vê diyardeyê ye.”

Her wiha Hesîne destnîşan kir ku bi armanca rêgirtina li pêşiya vê diyardeyê hemleyan û semîneran li dar dixin.

Li aliyekî din endama rêveber a Weqfa Jina Azad Melîka Hesaf semînera tenduristî da ku jê armanc tê kirin ku rê li pêşiya belavbûna pandemiya Koronayê bê girtin.

Tê payîn ku hemle heta 20`ê Tebaxê berdewam bike.

(şx)

ANHA

<iframe width="560" height="315" src="https://www.youtube.com/embed/piyr3e4m1ac" title="YouTube video player" frameborder="0" allow="accelerometer; autoplay; clipboard-write; encrypted-media; gyroscope; picture-in-picture" allowfullscreen></iframe>