Şêniyên Amûdê sersaxî ji malbata şehîd Ferhad Dawud re xwest

Konê sersaxiyê li gundê Topo yê navçeyê hate vegirtin û bi wêneyê şehîd, wêneyên rêber Abdullah Ocalan, alên YPG, YPJ û Hêzên Ewlekariya Hundirîn hate xemilandin.

Ji saetên sibehê ve, bi sedan şênî, tevî endamên meclisan, saziyên sivîl, saziyên Rêveberiya Xweser, şervanên YPG, YPJ, Hêzên Ewlekariya Hundirîn herikîn bin kon.

Di merasîmê de bi navê Meclisa Malbatên Şehîdan a Amûdê Zîwer Elî, Hevserokê Desteya Hundirîn a Herêma Cizîrê Kenan Berekat û Partiya Yekitiya Demokratîk (PYD) Minewer Xalid axivîn.

Kesên axivîn sersaxî ji malbata şehîd Ferhad Dawud re xwest û îşaret bi qehremanî û berdêlên şehîdan ji bo parastina destkeftiyên pêkhateyên Rojava û Bakur û Rojhilatê Sûriyê dane kir. Merasîm bi sloganên"Şehîd namirin" bi dawî bû.

Endamê Hêzên Ewlekariya Hundirîn Ferhad Dawûd roja Şemiyê 29'ê Gulanê di encama krîza dil de li Amûdê şehîd bû.

(eh)

ANHA

<iframe width="560" height="315" src="https://www.youtube.com/embed/QxdXXCNWDEU" title="YouTube video player" frameborder="0" allow="accelerometer; autoplay; clipboard-write; encrypted-media; gyroscope; picture-in-picture" allowfullscreen></iframe>