Yekitiya Rewşenbîrên Cizîrê panelek li ser "çawaniya parastina destkeftiyên şoreşê" li dar xist

Di panelê de bi dehan şêniyên Til Temir, siyasetmedar û endamên Yekitiya Rewşenbîrên Herêma Cizîrê amade bûn.

Beşdaran di rapor, lêkolîn û nîqaşên xwe de behsa sûcên qirkirina etnîkî û guhartina demografî ya ku artêşa Tirk a dagirker û çeteyên wê li herêmên dagirkirî yên Bakur û Rojhilatê Sûriyê pêk tînin, kir.

Endamê Yekitiya Rewşenbîrên Til Temirê Ebdurehman Hisên wiha got: "Di dirêjahiya şoreşa Rojava de em di merheleyên leşkerî û siyasî yên pêşketî re derbas bûn û bandora xwe li rewşa niha û pêşdeçûnên li herêmê bi giştî û li Sûriyê bi taybet kir."

Li aliyekî endamê yekitiyê Mihemed Şêr li ser astengî û metirsiyên li beramber Rojava û şoreşa wê axivî û wiha got: "Çer ku Rojava bi pêş ket astengiyên li hember wê zêde dibin û çer ku destkeftî zêde bûn gef û metirsî jî zêde dibin."

Beşîr da zanîn ku dewleta Tirk a dagirker hewl dide bi hemû kiryarên Rêveberiya Xweser têk bibe, ji ber ku fikira wê demokrat û îdolojî ye.

Hevserokatiya Yekitiya Rewşenbîrên Hesekê li ser çawaniya parastina destkeftiyên şoreşê axivî û wiha got "Parastin erka hemûyan e, ji ber ew destkeftî bi saya keda şehîdan bi dest kirin."

Ehmed El-Ezher bang li tevahî pêkhateyên Bakur û Rojhilatê Sûriyê kir ku nekevin xefka şerê taybet ê ku dewleta Tirk û çeteyên wê hewl didin bandorê li fikira civakê bike.

Piştî axaftinan beşdaran nîqaşên xwe li ser rewşa niha, qirkirina etnîkî û koçberkirinê kirin.

(fr)

ANHA