Şêniyên Şedadê şehîd Ehmed Selal oxir kirin

Şervan Ehmed Selal di 19'ê Gulanê de li bajarokê El-Siwer a Dêrazorê dema li ser erka xwe bû, şehîd bû.

Bi sedan endamên saziyên leşkerî û yên sivîl cenazeyê şehîd ji Meclisa Malbatên Şehîdan a li Hesekê wergirtin û berê xwe dan goristana şehîdan a Şedadê. Li goristanê, merasîm bi toranele leşkerî dest pê kir.

Rêveberê Daîreya Ewqafê ya Şedadê, Ehmed El-Esed got divê ew li derdora Hêzên Sûriya Demokratîk li beramberî pilanên ku li dijî herêmê tên kirin, kom bibin.

Endamê Meclisa Leşkerî ya El-Siwer, Mistefa El-Siwer jî got: "Em çiqasî behsa lehengiya şehîdan bikin, dîsa jî em nikarin bigihêjin asta lehengiya wan. Lê em dikarin destkeftiyên ku şehîdan bi dest xistine, biparêzin."

Endama Rêveberiya Meclisa Malbatên Şehîdan a Hesekê, Eyat Îbrahîm axivî û sersaxî ji malbata şehîd Ehmed re xwest

Endamê Meclisa Malbatên Şehîdan, Deham El-Ferec wesîqeta şehîd Ehmed Selal xwend û radestî malbata şehîd kir.

Di dawiya merasîmê de, Bi dirûşmeyên dilsoziya bi şehîdan re, şêniyan şehîd Ehmed oxir kirin.

(dx)

ANHA

<iframe width="560" height="315" src="https://www.youtube.com/embed/smc118wggPY" title="YouTube video player" frameborder="0" allow="accelerometer; autoplay; clipboard-write; encrypted-media; gyroscope; picture-in-picture" allowfullscreen></iframe>