Li dijî êrişên dagirkeriyê yên dewleta Tirk kampanya îmzeyan

Bi armanca rêgirtina li dagirkeriya dewleta Tirk a li ser xaka Başûrê Kurdisan û êrişên qirkirinê ya li ser gelê Kurd kampanya îmzeyan hatiye destpêkirin. Di daxuyaniyê de banga rawestandina êrişan hatiye kirin.

Di daxuyaniyê de bang li Sekreterê Giştî yê NY’ê Antonio Guterres, Seroka Parlamentoya Amerikayê Nancy Pelosi, Seroka Komseriya Ewropayê Ursula Von Der Allen, Serokê DYA’yê Jeo Biden, Serokê Komara Iraqê Dr. Berhem Salih, Serokê Parlamentoya Iraqê mamoste Mihemed El-Helbûsî, Serokwezîrê Iraqê mamoste Mistefa Kazimî, Wezîrê Karên Derve yê DYA’yê Anthony Blinken, Nûnerê Bilind ê YE’yê ya Karûbarên Derve û Siyaseta Ewlehî Josep Borrell Fontelles, Sekreterê Giştî ya Komkara Ereban Ehmed Ebû El-Xeyt, Serokê herêma Başûrê Kurdistanê Nêçîrvan Barzanî û Seroka Parlamentoya Kurdistanê Rîwaz Fayiq hate kirin.

Di daxuyaniyê de wiha tê gotin; “Artêşa Tirk êrîşek berfireh li ser deverên sînorî yên Başûrê Kurdistanê daye destpêkirin. Li gorî gotina serokê Tirkiyeyeyê armanc nehiştina PKK’ê ye. Lê di rastiyê de ev hewildaneke dagirkirina Başûrê Kurdistanê ye. Dewleta Tirkiye ji sala 1983’an ve bi heman behaneyan êrişan li ser xaka Başûrê Kurdistanê pêkanîne. Di van êrîşan de tenê xelkê sivîl yê deverê ziyanê dibînin. Ev êriş bandorek nerênî li ser aramiyê, rewşa siyasî, aborî ya Herêma Kurdistan û Iraqê bi giştî çê dike.

Mijara Kurd mijareke heq e, mijreke siyasî, civakî û çandî ya bi kok a dîrokî ya gelek ku berê xwe daye azadî, demokrasî û edaletê ye. Pirsgirêkên civakî, bi şer, binpêkirin û leşkerî yên rê li ber kaos û şidetên nû vedike çareser nabe.

Em rewşenbîr, akademîsyen, siyasetmedar û aktivîstên parêzvanên mafên mirovan, ji bo rawestandina operasyonên leşkerî yên Tirk, ji bo pirsa Kurd bi rêyên demokratîk û aştiyane bê çareserkirin, bang li we dikin ku raye û hêza xwe bikar bînin.”

Di dewama daxuyaniyê de bal têkişandina ser armanca kampanya wan pêşîlêgirtina dagirkeriya dewleta Tirk e. Heta niha  gelek kesayetên siyasî, parlementerên Iraqî û aliyên siyasî tevli kampanyê bibin.

Navnîşana kampanyaya îmzeyan ev e: https://stop-turkish-invasion.com/

ANHA