Gerîla li Metînayê li leşkerên dijmin da

Çalakiyên gerîlayên azadiya Kurdistanê di çarçoveya Pêngava Şoreşgerî ya Cenga Xabûrê de berdewam dikin.

Navenda Ragihandin û Çapemeniyê ya HPG'ê têkildarî mijarê daxuyaniyek da û ev agahî parve kirin:

"Di çarçoveya Pêngava Şoreşgerî ya Cenga Xabûrê de hêzên me 11'ê Gulanê saet di 09:30'an de li dijî komeke dagirkerên li ser Girê Şehîd Serhat ê li herêma Metînayê çalakiyek li dar xist. Di vê çalakiyê de derb li koma dagirker hatiye xistin.

Artêşa Tirk a dagirker bi helîkopteran û balafirên şer êrişî Herêmên Parastinê yên Medyayê kir.

Agahiyên berfireh ên li ser van êriş û bombardûmanê wiha ne:

11'ê Gulanê saet di 12:30, 13:30 û 20:10 de Girê Zendûra yê herêma Avaşînê bi balafirên şer hate bombekirin.

11'ê Gulanê saet di navbera 00:00 û 01:00 de Girê Zendûra û qada Kêste yên li herêma Metînayê bi helîkopterên êrişê hatin bombekirin.

11'ê Gulanê saet di 18:30'an de Geliyê Avaşînê yê li herêma Avaşînê bi balafirên şer 3 caran hate bombekirin.

11'ê Gulanê saet di 18:20'an de qada Şikefta Birîndaran a herêma Zapê bi balafirên şer 2 caran hate bombekirin.

12'ê Gulanê saet di 01:30'an de qada Werxelê ya herêma Avaşînê 3 caran bi balafirên şer hate bombekirin.

12'ê Gulanê saet di navbera 04:20 û 06:00 de li qadên Qela Bêdewê, Tîpa T û Kinyanîşê yên herêma Zapê helîkopter tevgeriyan. Heman demê li qadên  Tîpa T û Kinyanîşê bi helîkopterên êrişê bombardûman hate kirin.

Ji ber van bombardûmanan tiştek bi hêzên me nehat.”