Şêniyên Girkê Legê tecrîda li ser rêber Ocalan şermezar kir û berxwedana gerîla silav kir

Bi sedan şêniyên navçeya Girkê Legê û gundên derdora wê, her wiha endamên Tevgera Ciwanên Şoreşger a Sûriyê bi dirûşma "Azadiya rêber Apo azadiya me ye, berxwedana gerîla rûmeta me ye" xwepêşandanek bi rêxistin kir.

Xwepêşandan ji Qada Şehîd Xebat Dêrik a navçeya Girkê Legê dest pê kir.

Di xwepêşandanê de, hevseroka meclisa navçeya Girkê Legê Newroj Ehmed daxuyaniyek xwend û got: "Girtina rêber Apo û tecrîda girankirî ne tesadufî ye. Her wiha şerê li dijî Tevgera Azadiyê hemwextî salvegera Komkujiya Ermenan û bêdengiya civaka navneteweyî û paşguhkirina wê, armanc jê ew bû ku me ji rastiyê dûr bixin û planên xwe pêk bînin.

Di daxuyaniyê de wiha hate domandin: "PKK ne tenê hêzeke leşkerî ye, tevgereke civakî, felsefîk û siyasî ye ku nayê bidawîkirin. Ji ber vê yekê em ê li hember komploya zordar a ku dewleta Tirk li çiyayên Zagrosê ji 23'yê Nîsanê ve daye destpêkirin, bi ser bikevin. Em ê Zap, Metîna û Ava Şîn ji wan re bikin goristan.”

Daxuyanî wiha hat domandin: "Azadiya me ew e ku em rêber Ocalan di nava gel de bibînin, yê ku rêya azadî û ronahiyê nîşanî me kiriye. Em qabûl nakin ku tecrîd li ser were ferzkirin.”

Xwepêşandan bi dûrişmên silavkirina berxwedana gerîla bi dawî bû.

(dx)

ANHA

<iframe width="560" height="315" src="https://www.youtube.com/embed/zqzOLWXEVQA" title="YouTube video player" frameborder="0" allow="accelerometer; autoplay; clipboard-write; encrypted-media; gyroscope; picture-in-picture" allowfullscreen></iframe>