Li gundewarê rojhilatê Dêrazorê pakrewangehek hate vekirin

Bi boneya 25'ê Nîsanê Roja Şehîdan a Bakur û Rojhilatê Sûriyê, Meclisa Malbatên Şehîdan a Dêrazorê  li bajarokê Ebû Heman ê gundewarê rojhilatê Dêrazorê pakrewangehek vekir.

Bi sedan şên, di nav de nûnerên saziyên sivîl û leşkerî, şêx û rûpiyên herêmê beşdarî merasîmê vekirina pakrewangehê bûn.

Merasîm bi torana leşkerî dest pê kir. Bi navê hêzên leşkerî ji fermandarên QSD'ê yên Dêrazorê Reyan Şenan axivî, behsa fedekariyên şehîdan û berdêlên ku di oxira azadî, aramî wekhevî û jiyana hevbeş de dane, kir.

Hevserokê Meclisa Malbatên Şehîdan Ebdulxenî El-Lewha jî got: "Em bi şehîdên Bakur û Rojhilatê Sûriyê serbilind din, em ê soz didin ku em ê li ser xeta wan bin heta armancên wan pêk bînin."

Di merasîmê de, bi navê meclisa xeta gundewarê rojhilat ê Dêrazorê Mihemed El-Umeyir got: "Fedekariyên şehîdan vîna me xurtir kir û jiyana azad û bi rûmet pêk anî."

Piştî axaftinan, cenazeyê şehîd; Mihemed El-Remedan, Himêdî Ferec El-Cexcax, Elî Mihsin El-Fedî û Beşar El-Hisên ku ji gundewarê rojhilatê Dêrazorê û li goristana Şehîdan a Hesekê hatibûn veşartin, veguhestin goristana nû.

ANHA