Şêniyên Hesekê cenazeyê şehîd Ebdulezîz Salim spart axê

Girseya gel cenazeyê şehîd Ebdulezîz Salim ji pêşiya Meclisa Malbatên Şehîdan wergirt û bi karwaneke erebeyan ber bi goristana şehîd Dijwar a li gundê Dawidiyiê ve meşiyan.

Merasîma veşartinê li goristanê bi rêzgirtinê dest pê kir, YPG û  YPJ`ê jî toreneke leşkerî pêşkêş kir. Paşê bi navê Meclisa Malbatên Şehîdan Ezîza Hisên axivî û sersaxî ji malbata şehîd re xwest û got: "Ev şehîd şehîdên hezkirin û azadiyê ne,  ji bo parastina welat canê xwe feda kir."

Dûvre bi navê hêzên leşkerî Fermandarê Lîwaya Erka Xweparastinê ya kantona Hesekê Mihemed Dawûd axivî û got: "Ger ne ji berdêlên şehîdan bûya, ev  destkeftiyên li herêmên Bakur û Rojhilatê Sûriyê pêk hatine, bi dest nediketin, ji lew re divê em parastina rêgez û nirxên ku ji bo wan gihaştine asta şehadetê bikin."

Paşê endama Meclisa Malbatên Şehîdan Rojda Ehmed wesîqeya şehadetê xwend û radestî malbatê kir.

Şehîd Ebdulezîz Salim bi tilîliyên dayikan û diruşmên silavkirina şehîdan hate veşartin.

(eh)

ANHA

<iframe width="560" height="315" src="https://www.youtube.com/embed/9lrKVM0-84U" title="YouTube video player" frameborder="0" allow="accelerometer; autoplay; clipboard-write; encrypted-media; gyroscope; picture-in-picture" allowfullscreen></iframe>