Li Qamişloyê şahiyek ji zarokên şehîdan re hate lidarxistin

Bi boneya rojbûna rêber Abdullah Ocalan ku dikeve 4`ê Nîsanê ye, Meclisa Malbatên Şehîdan a bajarê Qamişlo şahiyek ji zarokên şehîdan re li dar xist.

NÛÇE

2 nîsan, 2021 14:51

QAMIŞLO

Şahî li hola Zana ya bajarê Qamişlo û bi beşdariya bi dehan zarok û malbatên şehîdan li dar ket.

Şahî bi axaftina hevseroka Meclisa Malbatên Şehîdan a bajarê Qamişlo Hêvî Seyd dest pê kir. Hêvî Seyd 4`ê Nîsanê li malbat û zarokên şehîdan pîroz kir û got:"Wekî ku şehîdan bi xwîna xwe ji bo me rêya azadiya ronî kir, zarokên wan jî ronahiya pêşerojeke ronîdar e, rêber Ocalan girîng dide zarokên şehîdan û wekî mîrateya şehîdên ku dê rêya azadiyê û aştiyê berdewam bikin, didît."

Dûvre sinevîzyoneke der barê kurtejiyan û hevdîtinên rêber Abdullah Ocalan ên bi hin malbatên şehîdan re û asta girîngiya ku dida wan, hate pêşandan.

Paşê koma Saz û Awaz û Koma Girbawî stranan pêşkêş kir, zarokên şehîdan jî çend stranên şoreşgerî got û beşdaran govend gerand.

Di dawiyê de Meclisa Malbatên Şehîdan diyarî dane zarokan.

(eh)

ANHA