Komîteya Azadiya Rêbertî bi boneya 4'ê Nîsanê semînerek da

Komîteya Azadiya Rêbertî ya Reqayê bi boneya rojbûna rêber Abdullah Ocalan semîner organize kir.

1 nîsan, 2021 13:26

REQA

Komîteya Rêbertî ya Reqayê bi boneya rojbûna rêbertî, semîner bi amadebûna bi dehan şêniyan, tevî endamên saziyên sivîl, leşkerî û endamên Partiya Sûriya Pêşerojê li hola Tac a aliyê başûrê bajêr da.

Piştî deqeya rêzgirtin a bîranîna şehîdan, endama Komîteya Rêbertî Nesrîn El-Xelef semîner bi rêve bir, behsa jiyan û têkoşîna rêbertî ji zarokatiyê wî ve heta merheleya damezirandina PKK'ê kir. Nesrîn avabûna PKK'ê bi dîrokeke nû ji bo gelê Kurd bi nav kir û wiha domand: "Fikirê rêber Abdullah Ocalan ji bo gelê Kurd, erebî û tevahî gelên herêmê ye, yê herî zêde sûdê jê digire gelên Bakur û Rojihlatê Sûriyê ye."

Nesrîn destnîşan kir ku bi saya ramanê rêbertî gelek herêmên Sûriyê ji terorê hatin rizgarkirin û rêveberiyên xweser û sivîl hatin avakirin."

Nesrîn di berdewam axaftina xwe de bal kişand ser nêrîna rêbertî ya derbarê azadiyê jin de û diyar kir ku rêbertî rêya azadiyê nîşanî jin da û bang pêkanîna wekheviyê di navbera her du zayendan de dike.

Nesrîn El-Xeklef li ser Komploya Navneteweyî ya li dijî rêber Abdullah Ocalan, bi roja reş bi nav kir û diyar kir ku tevî komployê rêbertî ji bo avakirina Rojhilateke Navîn nû bi azad û demokratîk tê dikoşe.

Semîner bi bersiva pirsan li ser mijarê bi dawî bû.

ANHA