Lixwemukirhatina DAIŞ’iyekî: Şaneya me 3 sûcên qetilkirinê li kampa Holê pêk anîne

Hêzên Ewlekariya Hundirîn a Bakur û Rojhilatê Sûriyê di çarçoveya Operasyona"Mirovî  û Ewlehiyê" de zêdetirî 70 çeteyên DAIŞ`ê yên ku ji nû ve komên xwe bi rêxistin kirin û li kampê wekî şaneyan xebitîn, girtin, ji wan çeteyê yê girêdayî şaneya bi navê Ebû Ekrem heye û li beşa iraqiyan hate girtin.

Hêzên Ewlekariya Hundirîn bi desteka QSD, YPG û YPJ`ê ji bo bêbandorkirina şaneyên DAIŞ`ê li kampa Holê, roja yekşema derbasbûyî 28`ê Adarê dest bi operasyoneke berfireh kirin.

Di encama şopandina pêşdeçûnên operasyonê de, ajansa me bi çeteyekî ku li gel aliyên ewlehiyê girtî re û bi şaneya bi navê "Ebû Ekrem El-Iraqî" ye çêkir. Ew çete di roja duyemîn a operasyona li kampa Holê de hate girtin.

 Ji endamên vê şaneyê çeteyê iraqî yê bi navê "Sedam Hisên Hemed" e ku bi navê Ebû Mihemed El-Iraqî tê naskirin û ji kesên ku ji ajansa me re axiviye. Çeteyê bi navê Ebû Mihemed ji parêzgeha Selahedîn a Iraqê ye, ji eşîra El-Bû Selo ye. Ebû Mihemed bi du jinên iraqî re zewiciye û xwedî 7 zarokan e.

Çeteyê bi navê Ebû Mihemed beriya ku tev li nava rêxistina DAIŞ`ê bibe di 2014`an de karê çêkirina erebeyan dikir û niha jî di nava DAIŞ’ê de heman karî dike.

Piştî çeteyên DAIŞ`ê herêmên di bin kontrola xwe de yên li Iraqê ji dest dan û Heşda Şabî ber bi bajarê El-Qaim ê bi ser sînorê Sûriyê -Iraqê ve çû, Ebû Mihemed ji Iraqê berê xwe da xaka Sûrî û di 27.07.2018`an de wekî penaberekî iraqî derbasî kampa Holê bû.

Destpêka ku Ebû Mihemed derbasî kampê bûye, li derdora bazarê, madeyên xwarinê difirotin û dawiya heman salê, piştî ku çeteyê bi navê"Husam Talib Fadil" nas kir careke din tev li nava komên çeteyên DAIŞ`ê bû. Husam Talib Fadil li hundirê kampê di nava şaneyên ewlehiyê yên DAIŞ`ê de cihê xwe digirt.

Çeteyê bi navê Ebû Mihemed di nava şaneya bi navê Ebû  Ekrem de çavkaniya agahiyan bû, di navbera endamên şaneyê de yên li hundirê kampê çek û madeyên teqemeniyê vediguhast û sûcên qetilkirinê pêk dianî.

Şaneya Ebû Ekrem ji 6 çeteyan pêk tê û kesên bi navên Haşim Şelal Zêdan ê bi navê Ebû Ekrem, Husam Talib Fadil, Ella Abdulrezaq, Mihemed Abdusetar û Enwer Ebû Mariya ew şane bi rê ve dibirin.

Şaneya bi navê "Ebû Ekrem" 3 sûcên qetilkirinê pêk anîne, ew jî qetilkirina Misab Yusif, ‎Ehmed El-Casim û Ebû Xidêr e. Heta gef li gelek kesên din ên ku bi Rêveberiya Sivîl û hêzên ‎ewlekariya yên li kampê re dixebitîn, xwarine.‎

Misab Yusif Ehmed (1997), di 13.08.2020’an de li beşa yekemîn a dewreya 94’an birîndar bû û piştre di 03.10.2020’an hate qetilkirin. ‎

Ehmed Elî El-Casim (28), endamê meclisa iraqî ya li kampê ye, ji aliyê beşa yekemîn A-15 ‎di 3`yê Adara 2021`ê saet 3`yê sibê hate qetilkirin.‎

Lê belê ajansa me nikarî navê qurbanê bi navê bi navê"Ebû Xidêr" ê ku di 10`ê ‎Kanûna 2020`an de hate qetilkirin, bi dest bixisita.‎

Li gorî îtîrafa çeteyê bi navê Ebû Mihemed ku ji ajansa me re axiviye, îşaret bi çavkaniya çekan û rêya ‎derbaskirina wan a ji hundirê kampa Holê re kir û got: "Erka min wergirtina tişta ku ‎ji derveyî kampê dihat û radestî şaneyê bikim, bû, nexasim veguhastina çekan."‎

Çete ev yek li gotina xwe zêde kir: "Min ji ajokarê sehrîca Erkan Nofel Ilêwan çek wergirtin, ‎ji wan dabançeya 9 m, dabançeya clock a amrîkî, çerçûrên van çekan û alavên bêdengkirinê û bi  rêya jinan min ji Ebû Ekrem re dişandin, ji  ber jin laçikan li xwe dikin û balê ‎nakişînin."‎

Erkan Nofel Ilêwan ku hemwelatiyê iraqî (22) ji hêla niştecihê li beşa 3’yan a F-3k di 23’yê Çileya 2021’an de saet di 5’ê sibehê bi guleyan hate qetilkirin.

Têkildarî hedefgirtin û armancên şaneyê çete Ebû Mihemed wiha got: "Me kesên danûstandin bi rêya rêveberiya sivîl û aliyên ewlehiyê û meclisa iraqî re dikirin hedef digirtin. Da ku fikireya DAIŞ’ê nefret dikin werin sînordarkirin û ji nû ve dewleta xîlafê piştî têkçûnê ava bikin.

Çete Ebû Mihemed destnîşan kir ku her kesê karê xwe bi çeteyên DAIŞ’ê re berdide û têkiliyan ji derveyî DAIŞ’ê datîne, tê kuştin.

Têkildarî çavkaniya agahiyan Ebû Mihemed da zanîn ku agahî ji kesekî li derveyî kampê dihatin wergirtin, ew jî  ji gundê El-Hedadiyê bi navê "El-Cerah" dihat naskirin.. Ev agahî li gorî perspektîfên ku ji hundirê kampê dihatin û perspektîfên berpirsên "Dewleta El-Xîlafê" pêk dihatin.

(eh)

ANHA

<iframe width="560" height="315" src="https://www.youtube.com/embed/KqsIbdMhYJ0" title="YouTube video player" frameborder="0" allow="accelerometer; autoplay; clipboard-write; encrypted-media; gyroscope; picture-in-picture" allowfullscreen></iframe>