‘Hewaldanên hikumeta Iraqê yên kontrolkirina Şengalê gumanan çêdikin’

Mala Êzidiyan a taxên Şêxmeqsûd û Eşrefiyê yên Helebê daxuyaniyek ji raya giştî re parve kirin. Daxuyanî bi beşdarbûna bi dehan endamên êzidiyên li Helebê li pêşiya mala Êzidiyan a li rojavayê taxa Şêxmeqsûd xwend.

Endama Mala Êzidiyan Gulistan Çawîş dauxyanî xwend û tê de wiha got:

Daxwaza Bexdayê ya kontrolkirina Şengalê li dijî vîna Êzidiyan e. Îsrara dewleta Iraqê ya pêkanîna peymana ku bi hikumeta Başûrê Kurdistanê re îmze kiriye ku piraniya derdorên siyasî û civakî li Iraqê û cîhanê red kirin, li ser niyetên artêşa Iraqê û hikumeta Iraqê gumanan çêdike û dihêle ku em bifkirin ku artêşa Iraqê jî niha wekî çeteyên DAIŞ`ê dike, ku di çarçoveya berdewamkririna projeya Baasê de 3`ê Tebaxa 2014`an êrişî Şengalê kirin û Şengal bi temamî ji şêniyên wê vala kir.

Wekî Yekitiya Êzidiyan li Sûriyê û li ser esasê yekitiya gel û ol de, em van hewaldanên ne mirovî yên hikumeta Iraqê şermezar dikin û teqez dikin ku ji mafê gelê Şengalê ye ku xwe biparêzin da fermanên nû li dijî wan pêk neyên.

Em bang li lêvegerên olî û rûhî yên Êzidiyan dikin ku bi erka xwe ya exlaqî der heqê Êzidiyan de, rabin û der barê hebûna hêzên biyanî û di serî de artêşa Iraqê û hêzên pêşmergeyan li Şengalê, helwesteke cidî nîşan bidin.”

Daxuyanî bi siloganên ku berxwedana Şengalê silav dikin, bi dawî bû.

(dm)

ANHA

<iframe width="560" height="315" src="https://www.youtube.com/embed/aFiaiS0njsU" frameborder="0" allow="accelerometer; autoplay; clipboard-write; encrypted-media; gyroscope; picture-in-picture" allowfullscreen></iframe>