Dewleta Tirk li Eyn Îsayê baregeheke din ava kir

Dagirkeriya Tirk di 4 mehên borî de gelek baregehên leşkerî bi kûrahiya 32 kîlometre nava axa Sûriyê de li rêx rêya M4 ava kir.

Baregehên dewleta Tirk li bakur, rojhilat û rojavayê bajarokê Eyn Îsayê ne, dewleta Tirk bi rêya van baregehan dike armanc ku bajarok û rêya M4 ku herêma Cizîrê û Firatê bi hev ve girê dide bişpîne .

Dagirkeriya Tirk avakirina bargeha xwe ya 5'mîn a li derdora gundê El-Xalîdiyê yê 6km rojavayê bajarokê li ser bermahiyên malên gundiyên koçber bi dawî kir.

Dagirkeriya Tirk sewqiyetên leşkerî di nav de, çekên giran, kamîreyên çavdêriyê û radar, zêde dike.

Ajansa me karîbû opresyonên kolandina xedekan û rakirina satirên axê li ser rêya M4'ê belge bike.

Piştî 3 mehan ji êrişên domdar ên dagirkeriya Tirk li dijî navçeya Eyn Îsa û gundewarên rojavayê Girê Spî, dewleta Tirk dest bi avakirina baregehên leşkerî kir.

Hêzên Hikumeta Şamê û Hêzên Rûsyayê li ser eniyên şer ên başûrê rêya M4 belav dibin, lê belê li hember sûcên dagirkeriya Tirk bê deng in.

Nûçegihanê me ragihand ku dewleta Tirk a dagirker baregehek leşkerî ya nû li bakur rojavayê navçeyê ava kir û diyar kir ku dewleta Tirk a dagirker hewl dide baregeheke din li ser rêya navbera navçeyên Til Temir û Zerganê de ava bike.

(dm)

ANHA

<iframe width="560" height="315" src="https://www.youtube.com/embed/88zFE6FfM7Q" frameborder="0" allow="accelerometer; autoplay; clipboard-write; encrypted-media; gyroscope; picture-in-picture" allowfullscreen></iframe>