3.Mîhrîcana Wezrîşê ya li Minbicê bi dawî bû

Mîhrîcana 3'yemîn a Werzîşê ya Minbicê piştî axaftinan bi çalakiyên hunerî û yên werzîşê bi dawî bû.

NÛÇE

12 adar, 2021 16:47

MINBIC

Mîhrîcana 3'yemîn a Werzîşê ya Minbic û gundewarê wê ku bi diruşma "Werzîş nîşaneya pêşketina gelan e" bi boneya salvegera 4'emîn a damezirandina Meclisa Sivîl a Demokratîk a Minbicê û gundewarê hatibû organîzekirin, bi dawî bû. Mîhrîcan bi beşdarbûna enadmên saziyên sivîl û leşkerî, şandeyek ji Partiya Sûriya Pêşerojê, şandeyek ji Rêveberiya Xweser a Bakur û Rojhilatê Sûriyê, bi sedan şêniyên Minbicê li Stada Beledî ya naverasta bajêr hate lidarxistin.

Piştî axaftina, çalakiyên hunerî û werzîşê hatin pêşandan. Di nav de, koma dîlan û stranên çerkesî, Koma Şehîd Barîn Kobanê ya Stranan a ji Kobanê, hunermend Yasmîn Mihemed a ji Reqayê hunerên xwe pêşkêş kirin. Her wiha Koma Ciwanên Minbicê şanoyeke li ser aloziya Sûriyê pêşkêş kir û hunermend Mistefa El-Emîr jî stranên gelêrî gotin.

Di dawiya çalakiyê de Yekitiya Werzîşê ya Minbic û Gundewarê wê, meclis û tîmên werzîşê yên ku beşdarî mîhrîcanê bûbûn, xelat kirin.

ANHA