Kongreya Star a Qamişloyê bi karwaneke erebeyan çalakiyek li dar xist

Endamên saziyên Rêveberiya Xweser ên bajarê Qamişloyê jî tev li çalakiyê bûn, erebeyên çalakiyê bi wêneyên rêber Abdulah Ocalan, şehîdên jin, alên Kongreya Star , Partiya Karkerên Kurdistanê, Yekîneyên Parastina Jin hatin xemildandin.

Çalakî ji pêşiya navenda Kongreya Star a Qamişloyê dest pê kir û karwanê erebeyan li kolanên Qamişloyê geriya.

Jinan destpêkê serdana Federasyona Gaziyên Şer ên Bakur û Rojhilatê Sûriyê kir, piştre serdana Hêzên Ewlekariya Hundirîn - Jin a herêma Cizîrê jî kir. Her wiha di dawiyê de serdana Goristana Şehîd Delîl Sarûxan kirin.

Li goristanê endama Meclisa Malbatên Şehîdan Necah Gulo axivî û 8`ê Adarê li rêber Abdulah Ocalan, girtî,  şervanên ku di çeperên şer de tekoşînê dikin û hemû jinên cîhanê pîroz kir.

Di dawiya çalakiyê de jinan gul danîn ser gorên şehîdan.

(sb)

ANHA

<iframe width="560" height="315" src="https://www.youtube.com/embed/du2rVkzUI-E" frameborder="0" allow="accelerometer; autoplay; clipboard-write; encrypted-media; gyroscope; picture-in-picture" allowfullscreen></iframe>