Komxebata bi boneya Roja Zimanê Dayikê ya Cîhanê bi dawî bû

Desteya Pewerde û Fêrkirinê ya Rêveberiya Xweser a Bakur û Rojhilatê Sûriyê bi boneya Roja Zimanê Dayikê ya Cîhanê komxebatek lidar xist. Di komxebatê de du mijarên sereke; Mafên fêrbûna bi zimanê dayikê û fêrbûna pirzimanî û pirçandî di pergola perwerdeyê ya Rêveberiya Xweser de hatin nîqaşkirin.

Piştî nîqaşên li ser herdu mijaran komxebat bi gelek biryaran bi dawî bû. Ji wan:

-Em li dijî pergalên totalîter û otorîter in, mafê gelan heye ku bi zimanên xwe fêr bibin.

-Pêwîste ku Neteweyên Yekbûyî mekanîzmayên nû ji bo biryaran û pêşniyaran bigire ku raman û berjewendiya gelan, ne dewletan li ber çav bigire.

-Divê rêxistinên navneteweyî û rêxistinên civaka sivîl roleke aktîv di piştevaniya proje û saziyên fêrkirina bi zimanê dayikê de bilîzin.

-Divê meteryalên perwerdeyê yên hemû pêkhateyan di dibistanan de hebin û her pêkhateyek bi zimanê xwe fêr bibe.

-Divê di vî warî de destek bi tecrubeya Rêveberiya Xweser were kirin û were pêşxistin.

-Pêwîste koordîne bi desteyên qanûnî û sivîl re were avakirin, da ku eniyeke berfireh were avakirin da ku mafên kêmnetew û etnîkan di warê ziman de werin mîsogerkirin.

ANHA