Jinên Minbicê: Bi têkoşîna jinên berxwedêr em ê bi ser kevin

Li Minbicê di 20 û 21’ê vê Sibatê de Mîhrîcana 3’yemîn a Huner û Wêjeyî ya Jinan bi diruşma" Jin kaniya huner û afrîneriyê ne" li dar ket. Di mîhrîcanê de tevahî jinên pêkhateyên li Bakur û Rojhilatê Sûriyê de beşdar bûn.

Hejmareke jinên ku beşdarî mîhrîcanê bûne axivîn. Bi wê re jî Zeyneb Hemo wiha got, armanca lidarxistina vê mîhrîcanê ew e ku jin li mîras û rihên xwe yên bingehîn vegerin û bi lixwekirina jinan a cilên folklorî re îsbat bû ku jinan parastina mîras û çanda xwe dikin.

Zeyneb Hemo diyar kir ku tevî êrişên dewleta Tirk a dagirker a herêmên Bakur û Rojhilatê Sûriyê û Minbicê bi taybet, Navenda Çand û Hunerê Mîhrîcana 3’yemîn a Huner û Wêjeyî ya Jinan li dar xist, da ku rola jin û israra wê ya berxwedanê îsbat bikin.

Li aliyekî din jî Ruweyda Mihemed wiha got: "Tevî gef û êrişên dewleta Tirk a dagirker ên li dijî Bakur û Rojhilatê Sûriyê, lê em li ber xwe didin û me du rojan mîhrîcan li dar xist. Da ku ji cîhanê re bisepînin ku tevî gefan jin di erkên xwe de bi israr in, ku tevahî cîhanê israra jinên Sûriyê bibîne."

Ruweyda Mihemed da zanîn ku mîhrîcan şanseke bû ku jinên tevahî pêkhateyên Bakur û Rojhilatê Sûriyê mîras û çandên hev din binasin û parastina wê ji têkçûn û helandinê biparêzin.

Sîham Hemo destnîşan kir ku beşdarbûna li mîhrîcanê baş bû û wê jî bedewabûneke taybet da mîhrîcanê bilixwekirina jinan a cilên folklorî.

Sîham Hemo piştrast kir ku bi hevgirtin û yekitiya tevahî pêkhateyan dê Sûriyeke yegirtî û nû ava bikin ku tê de ewlehî, aştî û edalet hebe.

Sîham Hemo wiha gotina xwe bi dawî kir: "Tevî rewşên dijwar ên ku herêmên Bakur û Rojhilatê Sûriyê tê re derbas dibin re, lê hîna jin tê dikoşin heta ku serkeftin, destkeftî û afrîneriyê di tevahî aliyan de pêk bînin."

 (fr)

ANHA

<iframe width="560" height="315" src="https://www.youtube.com/embed/d3G8s74FEKQ" frameborder="0" allow="accelerometer; autoplay; clipboard-write; encrypted-media; gyroscope; picture-in-picture" allowfullscreen></iframe>