Li navçeya Tirbespiyê 14 şehîd hatin bibîranîn

Meclisa Malbatên Şehîdan a navçeya Tirbespiyê bi beşdarbûna bi dehan pêkhateyên navçeyê, 14 şehîdên ku di meha Sibatê de li herêmên cuda şehîd bûne, bi bîr anîn. Navê şehîdên ku hatine bibîranîn wiha ne:  Xebat Xilo, Cemşîd Silêman, Dîrok Sêfo, Riyad Elî, Abdull Helîm Ehmed, Baz Îbrahîm, Mamoste Henan, Botan Tehlo, Mûfîd Ehmed, Hemûd Xelef, Dilo Tirbespiyê, Iskender Hacî, Hozan Silêman û Mihemed El-Hebîb.

Merasîmê bi rêzgirtinê dest pê kir, piştre malbatên şehîdan mûm vêxistin û sînevîzyonek der barê şehîdan û gotinên rêber Abdullah Ocalan de hate pêşkêşkirin.

Di merasîmê de hevserokê Meclisa Malbatên Şehîdan a herêma Cizîrê, Hesen Ibêd bal kişand ser fedakariya şehîdan ji bo gihaştina azadiyê.

Her wiha helbestvan Cemal Hisên helbesteke Cegerxwîn a der barê şehîdan de pêşkêş kir. 

Di dawiya merasîmê de wesîqetên şehîdan hatin xwendin û radestî malbatên wan kirin.

(dx)

ANHA

<iframe width="560" height="315" src="https://www.youtube.com/embed/4wKX537fccs" frameborder="0" allow="accelerometer; autoplay; clipboard-write; encrypted-media; gyroscope; picture-in-picture" allowfullscreen></iframe>