Cenazeyê şehîd Xalid li goristana şehîdan a Helebê hat veşartin

Bi sedan şêniyên bajarê Helebê cenazeyê endamê fermandariya YPG’ê Xalid Reşîd ku di encama nexweşiyeke giran de şehîd bûbû, spart axê.

NÛÇE

18 ÇILE, 2021 14:34

HELEB

Şêniyan bi karwaneke girseyî cenazeyê şehîd Xalid ji Nexweşxaneya Xalid Fecer a li taxa Şêxmeqsûdê ya Helebê wergirt û ber bi goristana şehîdan a li herêma Şiqeyêf ve ketin rê.

Merasîma veşartinê bi deqeyeke rêzgirtinê dest pê kir, piştre endamê rêveber ê Meclisa Malbatên Şehîdan Hacir Meho axivî û sersaxiya malbata şehîd xwest.

Meho destnîşan kir ku şehîd Xalid Reşîd têkoşîneke bêhempa meşand û bo nimûneyeke li tevahî xaka Sûriyê, bi taybet Efrînê.

Meho diyar kir ku şehîd nirxa herî giranbiha ya gelan e, her wiha şehîd Xalid Reşîd piştî refên YPG’ê li herêman bi rêxistin kir, gihaşt asta şehadetê.

Hacir Meho li dawiyê piştrast kir ku dê li ser rêça şehîdan heta rizgarkirina Efrîn û tevahî herêmên dagirkirî, bimeşin.

Piştî axaftinê, endama Meclisa Malbatên Şehîdan a Helebê Bêrîtan Ceidan wesîqeya şehadetê xwend û radestî malbatê kir.

Li dawiya merasîm, cenazeyê şehîd tevî tilîliyên dayikan, hat veşartin.

(fr)

ANHA