Li Şêrawa merasîma şehîd Armanc Welat hate lidarxistin

Meclisa Malbata Şehîdan a Herêma Efrînê, ji bo gerîlayê HPG`ê Armanc Welat ê ku di berxwedana Heftanînê de şehîd bûbû, merasîmeke xiyabî li dar xist.

NÛÇE

27 kanûn, 2020 13:35

EFRÎN

Bi hezaran welatiyên herêma Efrînê ji bo beşdarî merasîma şehîd Orhan Mihemed (Armanc Welat) bibin ku di 19`ê Cotmeha 2020`an de li Heftanînê şehîd bûbû, berê xwe da gundê Aqîbê yê navçeya Şêrawa.

Endamê Rêveberiya Meclisa Malbatên Şehîdan Xeyo Hesen, endama Kongreya Star a navçeya Şêrawa Leyla Xelîl, endamê Rêveberiya Meclisa Navçeya Şêrawa Henîf Seydo û endamê Meclisa Herêma Efrînê Dilsoz Efrîn di merasîmê de axivîn.

Axaftvanan sersaxî ji malbatên şehîd û hemû gelên herêma Efrînê re yên li herêma Şehbayê li ber xwe didin, xwest û bal kişand ser rola mezin a fedakariya şehîdan di pêşengtiya civakê de.

Her wiha axaftvanan berxwedana Heftanînê silav kir û da zanîn ku ev berxwedan bi tîpên zêrîn di rûpelên dîrokê de hatiye nivîsandin.

Di axaftinan de, bang li PDK`ê hate kirin ku rêya xwe rast bike da ku li pey berjewendiyên dewleta Tirk a dagirker neçe.

Piştî axaftinan, wesîqeta şehîd Armanc Welat ji aliyê endama Komîteya Perwerdeya Civaka Demokratîk Nûra Şahîn ve hate xwendin û radestî malbatê hate kirin.

ANHA