Cenazeyê şehîd Têkoşer li Şehbayê hate veşartin

Şêniyan cenaze şervanê YPG'ê Xalid Murad (Têkoşer Efrîn)   ji pêşiya nexweşxaneya Avrîn li navçeya Fafînê ya kantona Şehbayê wergirtin û bi kerwanekî ku ji sedan erebeyan ku bi wêneyên şehîd hatibû xemilandin, ber bi goristana Şehîdên Berxwedana Serdemê li navçeya Ehres ve çûn.

Li goristanê merasîmeke hate lidarxistin. Piştî deqeya rêzgirtin endama rêveber a Meclisa Malbatên Şehîdan a Herêma Efrînê Hacir Hemo û endama Rêveberiya Xweser a Herêma Efrînê Henan Seydao axivîn.

Di axaftinan de sersaxî ji malbata şehîd re hat xwestin û banga xwedî derketina li nirxên şehîdan û parastina destkeftiyên Şoreşa 19'ê Tîrmehê hate kirin.

Piştre endama Komîteya Perwerde Civaka Demokratîk (KPC-D) a herêma Efrîn Şirîn Silêman nasnameya şehîd xwend û radestî malbata wî kir.

Şêniyên cenazeyê şehîd Têkoşer Efrîn di nava tilîliyên dayikan û diruşmeyên dilsoziya bi şehîdan re û silavkirina berxwedana Efrînê spartin avê.

(dm)

ANHA

<iframe width="560" height="316" src="https://www.youtube.com/embed/3yDCF5cM57w" frameborder="0" allow="accelerometer; autoplay; clipboard-write; encrypted-media; gyroscope; picture-in-picture" allowfullscreen></iframe>