Gundê xwe paqij dikin û dibêjin: Paqijiya me berpirsyariya me ye

Şêniyên gundê Robarya li pêşiya avahiya meclisa gund kom bûn da ku dest bi paqijkirina gund ji bermahiyan û çopê bikin.

Şêniyê bi navê Mihemed Osman got: “Em bang li şêniyan dikin ku çopê deynin cihê wê yê diyar, da ku piştre bi rêya erebeyên şaredariyê bibin derveyî gund cihê ku şaredariyê diyar kiriye.”

Osman da zanîn ku paqijiya gund berpirsyariya her gundiyekî ye, ji ber ku ew nîşaneya pêşketina civakan û welatan e.

Şêniya bi navê Jiyan Elî jî got: “Paqijî nîşana şaristaniyê ye. Gelek şerm e mirov gemarê biavêje her derê. Divê hemû çopê têxin tûrikan û deynin cihê wê yê diyar da ku şarederî bibe.”

Wedha Murad jî diyar kir ku divê hemû gund paqij bihêlin, ji ber ku nîşaneya pêşketina gelan e û wiha domand: “Ji bo paqijkirina gund, ev hemleya çaremîn e. Ji ber ku paqijî jiyan e.”

Zarokên gund jî tev li hemleyê bûn û hêvî kirin ku şênî gund paqij bihêlin û çopê biavêjin cihê wê yê diyar.

Hemleya komkirina çopê di nava gund û derdora wê de berdewam e.

(şx)

ANHA

<iframe width="560" height="315" src="https://www.youtube.com/embed/kOr76NDN12A" frameborder="0" allow="accelerometer; autoplay; clipboard-write; encrypted-media; gyroscope; picture-in-picture" allowfullscreen></iframe>