Ciwanên şoreşger komploya li djiî Şengalê şermezar kir

Bertekên gelên Bakur û Rojhilatê Sûriyê yên li dijî peymana Bexda û Hewlêrê ya li ser Şengalê zêde dibin.

Li Dêrikê bi dehan endamên Tevgera Ciwanên Şoreşger a Sûriyê û Yekitiya Jinên Ciwan ji bo pêştgitiya xelkê Şengalê meşek li dar xist.

Meş ji pêşiya çerxerêya Şehîdan dest pê kir û di nav kolanên sereke yên bajar de dewam kir. Ciwanan alên Tevgera Ciwanên Şoreşger û Yekitiya Jinên Ciwan hilda bûn û diruşmeyên silavkirina berxwedana Şengalê berz kirin.

Meş li pêşiya navenda ciwanan a Şehîd Bawer rawestiya û veguherî mîtîngê.

Piştî deqeya rêzgirtin a  bîranîna cangoriyên azadiyê, endama Yekitiya Jinên Ciwan Sozdar Îsa peymana PDK û hikumeta Iraqê ya li dijî îradeya xelkê Şengalê şermezar kir û got: "Ev peyman nîşaneya komployeke nû li djiî xelkê Şengalê ye, nemaze piştî avakirina rêveberiya xweser a Şengalê ku dewleta Tirk û PDK'ê qebûl nakin."

Sozdar Îsa her wiha got:"Şêniyên Şengalê xwe di meclis û rêveberiya xweser de bi rêxistin kirin û Yekîneyên Berxwedana Şengalê, Yekîneyên Jinên Şengalê û Asayîşa Êzidxanê ava kirin da ku Şengal ji gef û komployan biparêze, bi taybet piştî fermana dawî ya çeteyên DAIŞ'ê, ku tê de hêzên Iraq û PDK'ê reviyan û Şengal neparastin."

Mîtîng bi diruşmeyên silavkirnia berxwedana Şengalê û şermezarkirina peymana li dijî wê bi dawî bû.

ANHA