Meclisa Tenduristiyê ya Helebê dewreyeke perwerdeyê vekir

Meclisa Tenduristiyê ya taxên Şêxmeqsûd û Eşrefiyê yên bajarê Helebê, bi armanca xurtkirina rola endamên Komîteyên Tenduristiyê di komîn û meclisên taxan de, dewreyeke perwerdeyê ya tenduristiyê vekir. Tê payîn ku dê di her komînekê de klînek were vekirin.

9 mijdar, 2020 15:40

HELEB

Meclisa Tenduristiyê ya taxên Şêxmeqsûd û Eşrefiyê rola komîteyên xwe di nav komîn û meclisan de aktîv dike. Meclis salekê carek an du caran li gorî hejmara endamên Komîteya Tenduristiyê dewreyên perwerdeyê vedike. Her dewreyeke perwerdeyê 15 rojan dewam dike, tê de waneyên teorîk û pratîkî tên dayîn. Wane ji aliyê kadroyên tenduristiyên ve têne dayîn.

Têkildarî mijarê, hevserokê Meclisa Tenduristiyê ya taxên Şêxmeqsûd û Eşrefiyê Nişet Zîbar diyar kir ku bernameya dewreya perwerdeyê ya tenduristiyê girêdayî destwerdana lezgîn, dermankirina birîndar, şewat, jehrbûn, pêvedan, hin nexweşiyên jin û zarokan û tehlîl in.

Zîbar armanca vekirina dewreyê destnîşan kir û wiha got: "Armanc alîkariya şêniyan bikin. Meclisa Tenduristiyê biryar da ku di her komînekê de wê klînek were vekirin û pêwîstiyên destwerdana lezgîn lê hebin."

(bb)

ANHA