Meclisa Ermeniyan a Hesekê banga têkoşîna li dijî qirkirinê kir

Meclisa Civakî ya Ermeniyan li kantona Hesekê bi dirûşmeya"Em şer naxwazin û ji tevahiya gelan re aştiyê dixwazin" daxuyaniyek da. Di daxuyaniyê de sûcên ku Azerbeycan û hevalbedên wê yên weke artêşa  Tirk li dijî gelê Ermen pêk tînin, hat şermezarkirin.

Endamên Meclisa Civakî ya Ermeniyan ên Bakur û Rojhilatê Sûriyê, endamên saziyên sivîl li bexçeyê Xabûr ê bajarê Hesekê kom bûn. Beşdaran alên gelê Ermen û pankartên bi nivîsên"Na ji qirkirinê re, na ji tundiyê re û erê ji aştiyê re" rakirin.

Daxuyanî bi sê zimanan hate xwendin, bi zimanê ermenî Aşo Bibiryan, bi zimanê kurdî Ermîniya Teteryan û bi zimanê erebî jî Endamê Meclisa Ermeniyan a Herêma Cizîrê Helîm Derbo xwendin.

Di daxuyaniyê de hate gotin ku gelê Ermen van rojan komkujiyên demên berê tê bîra wan, li dijî wan qirkirinên etnîkaî û çandî û paşê siyasetên helandinê pêk hatin.

Di daxuyaniyê de hate bibîrxistin ku divê tevahiya pêkhate ji Ermen, Ereb, Êzidî, Ereb û Suryaniyan bizanin ku daxuyaniyên di asta şermezarkirinan de, ji van sûcan re nabin bersiv.

Di dawiya daxuyaniyê de Meclisa Civakî ya Ermeniyan got: "Na ji qirkirina etnîkî re, na ji helandina çandan re, na ji tundiyê re, erê ji zimanê dayikê re, erê ji çandan re û erê ji lêhûrbûna ji dîrokê re bi awayekî cidî."

Di dawiyê de sloganên"Bijî berxwedana gelan" hate berzkirin.

(eh)

ANHA

<iframe width="560" height="315" src="https://www.youtube.com/embed/ZgGQlZTI5GY" frameborder="0" allow="accelerometer; autoplay; clipboard-write; encrypted-media; gyroscope; picture-in-picture" allowfullscreen></iframe>