Meclisa Kantona Girê Spî Rûsya ji qetilkirina zarokekî li Eyn Îsayê berpirsiyar nîşan da

Duh dewleta Tirk a dagirker navçeya Eyn Îsa û gundewarê wê topbaran kiribû û di encamê de zarokê bi navê Hatim Zêdan (13) şehîd bûbû. Meclisa Kantona Girê Spî têkildarî mijarê daxuyanek da.

Cîgirê Hevserokatiya Meclisa Kantona Girê Spî Hezai Mihemed daxuyanî xwend û destnîşan kir ku armanca dewleta Tirk a dagirker ji topbaranê, belavkirina tirsê û koçberkirina şêniyên resen e.

Mihemed topbarana bê serûber a artêşa Tirk a dagirker û çeteyên wê şermezar kir û got: " Tevî ku Amerîkayê ji bo parastina sivîlan ji bandorên şer rewşa awarte dirêjkiribû, lê Tirkiyê herêm topbaran kir."

Mihemed qetilkirina Hatim Zêdan wekî sûcekî mirovî yê hovane binav kir û anî ziman ku civaka navneteweyî li hemberî vê yekê bêdeng e û wiha domand: " Rûsya berpirsiyara vê sûcê hovane ye, ji ber ku li gorî lihevkirinên hatine îmzekirin hêzên Rûsyayê li noqteyên nêzî eniyên şer bicih bûne û çavdêriya zêdegaviyên dewleta Tirk dike."

Mihemed Bang li Komkara Ereb jî kir ku li hemberî kiryarên Tirkiyê yên dermirovî li dijî gelê Sûriyê, divê helwesteke erebî û navneteweyî ya hevbeş hebê.

Hezai Mihemed bang li şêniyan jî kir ku yekdest bin û rê li dagirkirina Tirkiyê ji herêmên nû yên Sûriyê re bigirin û bang li civaka navneteweyî û rêxistinên mirovî kir ku sûcên dewleta Tirk li dijî gelê Sûriyê, rawestînin.

(cx)

ANHA

<iframe width="560" height="315" src="https://www.youtube.com/embed/XD9CMbO2ac4" frameborder="0" allow="accelerometer; autoplay; clipboard-write; encrypted-media; gyroscope; picture-in-picture" allowfullscreen></iframe>