Li Kobanê li ser azadiya rêber Abdullah Ocalan panelek li dar ket

Panel li Seyrangeha Ronî War li bajarê Kobanê bi tevlêbûna 130 kesayetan ji saziyên sivîl, endamên saziyên Rêveberiya Xweser û rûspiyên Minbic, Sirîn û Eyn Îsayê li dar ket.

Hevserokê Desteya Hundirîn a Herêma Firatê Bozan Xelîl axivî û behsa girîngiya şopandina rêgeza rêber Abdullah Ocalan, têkbirina Komploya Navneteweyî bi rêya berxwedana gelê Kurd û israra wî ji bo azadiya Ocalan û rizgarkirina herêmên dagirkirî kir.

Di panelê de wê gelek mijar werin gotubêjkirin wekî; rastiya rêber Abdullah Ocalan ji bo çareserkirina pirsgirêkên Kurdan, çareserkirina pirsgirêkên Rojhilata Navîn bi rêya projeya neteweya demokratîk, projeya şaristaniya demokratîk a alternatîfa şaristaniya kapîtalîzmê û ji bo çareserkirina pirsgirêkên dîrokî û nûjen şopandina fikrên rêber Abdullah Ocalan.

Tê payîn ku panel heta saet 16:00`an bidome.

Ev panel beriya rojekê li ser salvegera Komploya Navneteweyî ya li dijî rêber Abdullah Ocalan a sala 1998`an tê lidarxistin.

(şx)

ANHA

<iframe width="560" height="315" src="https://www.youtube.com/embed/egJwcW4Grdk" frameborder="0" allow="accelerometer; autoplay; clipboard-write; encrypted-media; gyroscope; picture-in-picture" allowfullscreen></iframe>