Ciwanên Şoreşger ber bi Dêrikê ve diçin

Tevgera Ciwanên Şoreşger a Sûriyê bi dirûşma "Dem dema azadiyê ye, tekez em ê bi ser bikevin" bi armanca piştgiriya pêngava KCK`ê ya ku di 12`ê Îlonê de bi dirûşma "Na ji tecrîdê û dagirkeriyê re, dem dema azadiyê ye" ragihandibû û şermezarkirina tecrîda li ser rêber Abdullah Ocalan tê ferzkirin, 2`yê Cotmehê ji bajarê Qamişloyê dest bi meşeke dirêj ber bi bajarê Dêrikê ve kir.

300 ciwanên ji pêkhateyên herêma Cizîrê ji Kurd, Ereb û Suryan tev li meşê bûn. Di roja yekemîn a meşê de ciwan gihaştin navçeya Tirbespiyê û duh ber bi Çilaxa ve çûbûn û îro jî gihaştin Girkê Legê.

Bi dehan kes li kêleka rêyan pêşwaziya girseya ciwanan kir, hinekan xwarin û av ji ciwanan re pêşkêş kirin û hinekan jî birin reşand.

Ciwan îro dê ji navçeya Girkê Legê ber bi Dêrikê ve biçin û tê payîn ku 23 km bimeşin.

(eh)

ANHA

<iframe width="560" height="315" src="https://www.youtube.com/embed/s2ok6Q6HTSw" frameborder="0" allow="accelerometer; autoplay; clipboard-write; encrypted-media; gyroscope; picture-in-picture" allowfullscreen></iframe>