Li kampên Şehbayê de du dibistan hatin vekirin

Piştî xebatên 4 mehan, Heyva Sor a Kurd û Komîteya Perwerdeya Civaka Demokratîk a Herêma Efrînê du dibistanên seretayî li kampên Berxwedan û Şerdemê yên Şehbayê vekirin.

Merasîmê vekirina herdu dibistanan li kampa Serdemê ya li gundê Til Sosîn hate lidarxistin û bi deqeyeke rêzgirtin dest pê kir.

Endamê Meclisa Kampa Serdemê Reşîd Mihemed vekirina dibistanê li şagirtin pîroz kir û hêviya serkeftinê kir.

Endama rêveber a Heyva Sor a Kurd Alya Mihemed jî diyar kir ku armanca vekirina dibistanê derfet bidin xwendekaran da ku perwerdeya xwe temam bikin.

Di merasîmê de çalakiyên hunerî hatin lidarxistin.

Dibistana li kampa Serdemê ji 20 refan pêk tê û hejmara şagirtên wê 700 in. Dibistana li kampa Berxwedan ji 22 refan pêk tê û hejmara xwendekaran hezar .

Perwede sê sibe li gorî du danan dest pê bike.

ANHA

<iframe width="560" height="315" src="https://www.youtube.com/embed/HaDdxRIAcLk" frameborder="0" allow="accelerometer; autoplay; clipboard-write; encrypted-media; gyroscope; picture-in-picture" allowfullscreen></iframe>