Amadekariyên Mîhrîcana Lêlûn bi dawî bûn

Komîteya Amadekar a Mîhrîcana Lêlûn a Navneteweyê ya Sînama amadekariyên mîhrîcanê bi dawî kirin, mîhrîcan dê sibe dest bi pêşandana fîlman bike.

21 îlon, 2020 14:25

ŞEHBA – CAFER CAFO – FÎRAS ÎBRAHÎM

Komîteya Amadekar a Mîhrîcana Lêlûn a Navnetewî ya Sînameyê xebatên hilbijartin û wergerandina fîlman bi dawî kirin û dika mîhrîcanê ku dê li kampên Berxwedan û Serdemê were lidarxistin hazir kir. Her wiha komîteyê amûrên ronîkirin û dengê danîn û wêne û sembolên mîhrîcanê li qadên giştî û rêyan û cihê mîhrîcanê daliqandin.

Girêdayî mijarê, endamê komîteya amadekar Mesûrd Kerad got ku di saetên bê de wê navenda mîhrîcanê li kampa Berxwedan a navçeya Fafînê were vekirin.

Derbarê zehmetiyan de Kerad diyar ku zehmetiyên ku têne kişandin, belavbûna vîursa koronayê, amargoya li ser kantona Şehbayê ji alyiê hikumeta Şamê û artêşa Tirk a dagirker û çeteyê wê ve ku rê li ber hatina sînamegeriyên ji dewletên ewropî, erebî û parêzgehên din ên Sûriyê girt.

Kerad destnîşan kir ku Desteya Çand û Hunerê ya Rêveberiya Xweser a Bakur û Rojhilatê Sûriyê û Desteya Çand û Hunerê ya Herêma Firatê ji bo şopandina mîhrîcanê gihaşt Şehbayê.

Dê ji sibe de pêşandana fîlman dest pê bike.

ANHA